قصيدة القيتها في حفل ابن العم محمد بن مبيريك بن رجيحه البدراني لزواج ابنية بدر وبسام
قصيدة القيتها في حفل ابن العم محمد بن مبيريك بن رجيحه البدراني لزواج ابنية بدر وبسام البارحة بقاعة الصيوان بالرياض 22/12/1440 هجري
جـيت مـن طـيبه وانـا كلي سرور لأجــل ابــن عـمي زبـون الـمرجله يـاهجوس الـفكر غوصي فالبحور هـاتـي الـمعنى مـن الـشعر اجـزله الـمـشـاعر داخــلـي قـامـت تـفـور والـسـحايب بـالـمزن جــت مـقبله وهـل وبـل وسـال سـيل وشع نور وعـمـت الـخـضرة جـبـاله وسـهله ومــا بـقى يـاغير تـقطيف الـزهور مـــن الـبـساتين الـجـميله نـرسـله بـارسله بـاسم ابـن عـمي للحضور بــن مـبـيريك الـقـرم مــن يـجهله مـرحـبا والـبـن الأشـقـر والـبـخور لــلـرجـال الــلـي لــفـت ومـجـمـله عــمـت الـفـرحه حـفـلنا والـحـبور والـــف مــبـروك لـمـحمد مـحـفله ولك يا بسام ويا بدر أجمل عطور والـتـهـانـي ..مــرسـلـة ومـوصـلـه يــاسـلايـل لابــــة فــيـهـا فــخـور نـسـل ابــن بــدران عــال الـمـنزله لــهــم بـالـتـاريـخ والامــجـاد دور الـشـجـاعة والــكـرم ربــعـي هـلـه مـجد مـا يـجهل عـلى مر العصور ادرس الــتـاريـخ عـنـهـم واســألـه سـاسهم فـي حرب وافين الشبور الــرجـال الــلـي تــحـل الـمـعـضله حـرب حـرب ولا تـكفيها الـسطور الـــمــواقــف زلــزلــوهــا زلـــزلـــه لـو كـتب عـنهم إلـى يـوم الـنشور صـعب يحصى مجدهم من ينقله والـقـبائل مــا يـجـي مـنها قـصور الــوفــاء والـطـيـب لــلـي يـفـعـله وأســأل الـلـي عـالـم بـكل الامـور يـحـفـظ الـقـائـد وشـعـبه بـاكـمله خــادم الـبـيتين دون الــدار سـور لـو يـزيد الـحمل عـنده مـا اسـهله وولــي الـعـهد عـنـده طـيب شـور يــا الله ان تـحفظ مـحمد وأمـهله وختامها عد الاوادم والليالي والشهور صلوا على نبي الأمه اللي ربنا ارسله عـبـدالـمطلوب مــبـارك الـبـدراني |
الساعة الآن 05:43 PM. |
Powered by vBulletin® Version 3.7.1
Copyright ©2000 - 2024, Jelsoft Enterprises Ltd.
mamnoa 4.0 by DAHOM