شعبنا وافي ودولتنا رشيدهـ
السلام عليكم ورحمة الله وبركاته
هذي مشاركتي في مسابقة فرحة وطن و أرجوا أن تنال أعجابكم أحمد الله وأشكره وأثني زياده *** وأطلبــه عفـوه وغفرانه وازيــده يوم ربي جاب أبو متعب وعاده *** سالمن طيب على شعبه يعــيده أستقبله شعبه بعد حزن ونكاده *** فرحتن ماهي على شعبه جديده المليك الي ما يبغاله شهاده *** وقفتــه تعــرف بالأوقـات الشديده قايد فيه الكرم والطيب عاده *** كل همن لا وقـفــلــه مــا يكيــده خادم البيتين جعله في سعاده *** ياعسى أفراحه مع أسنينه مديده مد جوده كف شعبه مع أبلاده *** والعطى هتان وأفكـاره ســديــده خيره الي كلنا نجني حصاده *** واضحه مثل الكتـابه بــالجــريــده للفعول الطيبه معلن جهــاده *** والدليـــل أوامــره حاجــه وكيــده شامله متكامله والعز قــاده *** من وفاه العــذب ما مــد الزهيـده الزعيم الي على العليا شداده *** كاسب الطالات والجـــزلات بــيده علموا من زاد في راسه عناده *** لا يــعانــدلــه رياجيــلـــن عنـيده لا يشب النار وآخرها رماده *** دام في حرب السلاطين الوقيده و الوطن بالعز قداحن زناده *** ماشين حبه مع الــدم و وريـــده تحت قايدنا وسيد كل ســـاده *** بنكـنا الــــي مــا يخيبـنا رصـيده أبو متعب مجتهد كل أجتهاده *** حاميــن شعــبه وداره والعقيده والولاء من حرب ملبوسن قلاده *** لا بسـينـه لـلأبـد ماحـدن يبيده الرجال الي لهم صبر وجـلاده *** فعلهم مـــا ينحصرله في قصيده وأشهد أن الشعب مخلص للقياده*** شعبنا وافــــي ودولتنا رشيــده |
الشاعر احمد جهيم البدراني
صح لسانك القصيده جيده وبيض الله وجهك يااحمد اشهد ان الشعب مخلص للقياده= شعبنا وافي ودولتنا رشيده اخي احمد اخر موعد لاستقبال القصايد في 16\6 ولامر هاذا يعود الى ادارة برنامج المسابقه ارجا من الاخوه الافاضل ادراج قصيدة الاخ احمد جهيم البدراني مع قصايد بني عمه المتسابقين وذالك الجودتها والعلمي باسباب التاخر الله يفظ الجميع الشاعربدرالبدراني |
ألمسابقة انتهت في تاريخ 16 -6
والامر يعود للأدارة واتمنى قبول قصيدة الشاعر بانتظار قرار اللجنه |
الاخوة الاعزاء ....اللجنة الموقرة
تحية طيبة / مشاركة الشاعر احمد جهيم نزلت في المنتدى قبل انتهاء الوقت المحدد للمسابقة وبسبب اخطاء في التنسيق حذفت المشاركة وطلبت منه اعادتها بعد تنسيقها وقد تم اعادتها ومع انه يجب اعادتها قبل انتهاء المسابقة ولكن قد يكون لديه العذر نأمل قبولها وانضمامها مع القصائد المشاركه الاخرى لكم فائق التحية والتقدير |
بسم الله الرحمن الرحيم
الشاعر احمد بن جهيم البدراني قال وجاد القصيده طيبه صح لسانه والقصيده تسعه عشر بيتا (19) البيت الاول-والثاني- والثالث احمد الله والشكره والثني زياده والطلبه عفوه وغفرانه وزيده يوم ربي جاب ابو متعب وعاده سالمن طيب على شعبه يعيده استقبله شعبه وقال فرحتن ماهي على شعبه جديده البيت الرابع-والخامس-والسادس-والسابع-والثامن-والتاسع-والعاشر المليك الي ميبغاله شاهده وقفته تعرف بالاوقات الشديده قايدن فيه الكرم والطيب عاده كل همن لاوقفله مايكيده وقال خادم البيتين جعله في سعاده خيره الي الي كلنا نحني حصاده البيت الحادي عشر-والثاني عشر-والثالث عشر-والرابع عشر-والخامس عشر قال الزعيم الي على العليا شداده كاسب الطالات وقال تحت قايدنا وسيد كل ساده بنكنا لي مايخيبنا رصيده البيت السادس عشر-والسابع عشر ابومتعب مجتهد كل اجتهاده وقال الولا من حرب ملبسن قلاده لابسينه للابد محدن يحيده البيت الثمانيه عشر-والسعه عشر الرجال الي لهم صبر وجلاده فعلهم ماينحصرله في قصيده الشهدن الشعب مخلص للقياده شعبنا وافي ودولتنا رشيده القصيده مكتمله صح لسانك ياحمد وبيض الله وجهك نتمنا لك التوفيق اخواني الاعزا ارجو العذر والسموحه الله يحفظ الجميع الشاعربدرالبدراني |
الساعة الآن 12:18 AM. |
Powered by vBulletin® Version 3.7.1
Copyright ©2000 - 2024, Jelsoft Enterprises Ltd.
mamnoa 4.0 by DAHOM