مشار كة الشاعر فلاح بن مشعل في حفل ابن حضرم
يا راكب اللي يوم يزهم زهيمه=زهيم هرش بين حيل ومعاشير جيبا اليا منه عطاله خريمه=مثل الزعيم اللي براسه عياطير افحص عليه وجهزه ياخو ريمه=نبغاه يمشي من بلد مبهل عصير انلبي الدعوى على اجر وغنيمه=ولابه وصل لولا وصول ومسايير جتنا من الشيخ ابن حضرم عزيمه=ويلزم عليه حفل زين المخاسير اللي معاريفه عليه قديمه=اليا ضدني ماضدني جيت للزير واليا فزع مع فزعته زين خيمه=واليا نخيته لو قدمه طوابير ماهو من اللي بالمناصب ضليمه=يشوف نفسه طير وباللازم طوير اللي طموحات النشاما تضيمه=ومتوصل خانات جمع الدنانير جمر اللضايا اللي سماد جحيمه=ويشوف طيبه بين بيض الغنادير ما انصاه لو جتني ضروف لزيمه=ويا للي تزبن لا تزين معيثير انا اخويايه في نهار الهزيمه=مثل الجبال اللي تصد البوابير وباسم المعزب يالرجال الحشيمه=ترحيبة اهل الخير عند اهل الخير يامرحبا باهل النوايا السليمه=اهلا هلا يامرحبا بالجماهير اللي بهم من كل جنبه وسيمه=شيوخ الرجال مزبنين المصاغير وجو من المغرب يذعذع نسيمة=بحضور ربعي تحت ضوء الفنانير بامن به اسباع الحمايل منيمه=ولا تهمنا ضعوف تسوي معاصير عن ديننا ندافع بعزم وعزيمه=ومن جاء بنحرنا ماتجيبه مخاسير حنا رجال الامن مثل الهديمه=ودون الوطن متحيزمين بشراشير نوفي العهود ولاندان الضليمه=ومن اعترضنا يعترض للتعازير اليا عافت النعمه وجيه وخيمه=حنا السيوف الساطيات البواتير بامن وحكم ياجعل ربي يديمه=والله يدبرنا على احسن تدابير في جاه من يحي العظام الرميمه=ماصار تحت امره وبامره يبا يصير واليا عطا يعط الجنان العظيمه=يجازي العاصي بويل وزمهرير تم الجواب يالرجال الفهيمه=المعذره وان كان بالقول تقصير |
صح لسانك ولسان الشاعر فلاح مشعل البدراني قصيدة جزلة ووافية ومكتملة في معناها وفي مبناها لك تحيتي وتقديري |
الساعة الآن 08:38 AM. |
Powered by vBulletin® Version 3.7.1
Copyright ©2000 - 2024, Jelsoft Enterprises Ltd.
mamnoa 4.0 by DAHOM