|
موال
يا لالالالالالالالالالالالالالالا
كل نجم بمكانه ماتغير مكانه ازهمو شاعرن يقدر يجيب المعاني واسمعو من لسانه واسمعو من لساني دايم الجدي يطلع مع سهيل اليماني كل نجم بمكانه ماتغير مكانه يارجال الشعرماهو عنصريه****منتدانا للرجال وللمعاني كل مجلس له رجال وشاذليه***الله الله ياعريبين المجاني |
سلام يا بو منور هل انت مستعد لئقلاع (( اربط الاحزمه))
|
اكرب انته حزامك ونا كارب حزامي
والله اني ما نضر ياولد الا امامي ماني بعاصي الله ولا ني بحرامي كل نجم بمكانه ما تغير مكانه والله اني يا بن منور ما عليه *** حافظن عقلي وحافظ لساني مير ما تقدر تقول انت عليه *** روح شوف المجني من الجاني |
واصلو عساكم على القوه
كل واحد يجيب طبلونه |
يالالالالالالالالالالالالالالالالالالا
كل نجم بمكانه ماتغير مكانه فيه وزنن ثقيل وفيه وزنن خفيف وفيه قلب ن متين وفيه قلب ن سخيف مير وشرايك الليله بلندن نصيف كل نجم بمكانه ماتغير مكانه ادري انك رجل وعزومك قويه**** وان دخلك الخوف تبشر بالاماني العب لعب باللحون السامريه****انت ماجربت مس الخيزراني |
يا بو منور رسا الله على الخاص
|
الاخ ابو ابراهيم يبي يكمل معك يا بو منور
جامعه الساعه 8 لا كن ابو ابراهيم يقوم با الواجب ابو منور جايك جايك با المدينه يا الله فمان الله |
استلم يابو منور وسمحلي عن الموال
يارجال الشعر ماهو بالحميه===بالادب والعلم وصح الله لساني وكل جيل وله رجالن صارفيه===وكلمت العاقل مثل ركب الحصاني |
يعطيك العافي ياابو عوض
وحياك الله يابوابرابهيم استلم الخوي دايم يحول مع خويه****وان مزحنا كلنا مثل الخواني من ورد للعد ياقف فوق طيه****والدلي تجرها ظهور السواني |
استلم يابو منور
القلوب الصافيه دايم وفيه***يوم بعض الناس من نفسه يعاني وقفتي وقفت رجالن يعربيه***دون حقي واقفن طول الزماني |
خلوها
مالحقني شك والنيه مطيه****وش تترجم يااللسان الترجماني ياعبيدالله بيوتك عالميه******فرقو بين القصايد والاغاني |
استلم يابومنور
البيوت الشامخه ماهي خليه***قربو شوفو كبيرات المباني يبن منور عارف ان النار حيه***عارفين الهزل ونجيب السماني |
انت وشبك تقل تنحت من طميه****لين كسرت الحجر ياالمودماني
المحنك مايفكر في رديه****ويش قلتو يارفيعين المكاني |
استلم يامنور
والله انه ياولد ماهو بيديه***ميرزاد الظلم لين انه حداني السموحه كان جت مني خطيه****والعشر ياخوك ما ترجع ثماني |
استلم يابو ابراهيم
جاك بيت وجبت بيت ولك هديه****فكك الله ماقرصتك بالاذاني ياعبيدالله لوارسل لك شضيه****دمرت راس المريكي ولايباني |
اكتفي بهذا الحد اخوي عبدالله منور البدراني ولك مني جزيل الشكر
وارجو منك العذر والسموحه وعلم ان محاورتي معك شرف وتاج على راسي ولم اجرب لعب المحاوره من قبل واول بدايه كانت مع شاعر كبير ومن العيار الثقيل وهذا شرف لي |
| الساعة الآن 01:13 AM. |
Powered by vBulletin® Version 3.7.1
Copyright ©2000 - 2024, Jelsoft Enterprises Ltd.
 |
 |
 |
 |
 |
 |
 |
 |
 |
 |
 |
 |
 |
 |
 |
 |
 |
 |
خريطة الموقع
mamnoa 4.0 by DAHOM
