يطول الكلام وينتهي عند ابن بدران
هذه القصيدة وجهتها للشاعر القدير الاعلامي محمد بن عبدالله بن طفيح امل ان تنال رضاكم
تهيض خفوقي واستعنت الله الرحمان = وفيه التجي طلبت عفوه وغفرانه عليه اتوكل واتعوذ من الشيطان = وسبحان رب الكون والخلق سبحانه عزيز الجلال المتحد كون الانسان = عطاه الوصوف النادره ينطق اللسانه بعد ذكر ربي تستوي حبكتك القيفان = بيوتٍ لها عندي وعند العرب خانه قصيدٍ يشرف مستتر مايجي عريان = يسر القلوب اللي على الزين شفقانه وجمل قصيدي واتخير من الصدقان = حكيمٍ يعرف البيت من نطق عنوانه نصيت الكريم معرب الخال والعمان = عضيدي حزامي لضرم الحرب نيرانه عطيب الضرايب ضربته تكسر العدوان = ومن قو باسه تشتكي روس عدوانه محمد لياعدوا هل المجد والشجعان = تميز على غيره بطيبه وسلطانه نصيته بعلم(ن) تقتصر دونه الرديان = تهاب الرخوم اللي من الذل غلبانه مايقدر عليه الا شجيعٍ من العربان = يسد اللزوم وتفتخر فيه جدانه الا يامحمد سكرت دوني البيبان = وعيت تزين وكل الاوضاع خربانه على المطرقه والا على رحمة السندان = نصيبي جبرني تحت بطشه وحرمانه عانيت القسى والضيق والجور والحرمان = تضيع الوسائل يوم الافكار حيرانه وانا ماعثرني غير حظٍ قليل احسان = اسوقه بعزم وتنثني فيه قرعانه قيل الحلا وصفه مثل ناقة عريمان = يدرهم ولاني ذقت خيره ولاحسانه يطول الكلام وينتهي عند ابن بدران = خبير الحياه وسيف ربعه وجيرانه |
عزالله انك ماقصرت ياصنت البدراني صح لسانك
وبيض الله وجهك وجه محمد بن عبدالله بن طفيح قصيده من اجمل ماسمعت ومن القصايد النادره والمتعوب عليها لك التقدير والاحترام |
صنت البدراني صح لسانك وبيض الله وجهك على القصيده ويستاهل ابن طفيح
تحياتي لشخصك الكريم |
صح لسانك ياصنت ولاهنت على القصيده الاكثر من راااائعه
|
الاخ الغالي / صنت البدراني
صح لسانك مليووون ولا يكفوووون قصيدة راقية سلم نبضك شاعر متمكن يا صنت بيض الله وجهك وبانتظار مجاراة الشاعر محمد البدراني لك فائق التحية والتقدير |
الساعة الآن 09:06 AM. |
Powered by vBulletin® Version 3.7.1
Copyright ©2000 - 2024, Jelsoft Enterprises Ltd.
mamnoa 4.0 by DAHOM