منتديات البدارين

بسم الله الرحمن الرحيم
هذه القصيده من القصايد النادره للشاعر عبدالله بن سالم البدراني
ومن قصايده القديمه
والشاعر عبدالله سالم لديه العديد من القصايد ونتمنى ان نرى جميع
قصايده في ديوانه

الله اكبر

الله اكبر يا سحاب ضاع ظلي وسط ظله
لين عتم ودلهم وراح جوي وسط جوه

لو يهلهل من هماليله يزيد الطين بله
الوكاد الهم يغسل جرته ويجف نوه

هم اثقل كاهلي حتى اعتبر وجهي محله
كل ما قلنا تلاشى قال تو الهم توه

لاسعاده لاوناسه لين صار الهم عله
مايفارقني ثواني صدق ما عنده مروه

طال صبري ضاق صدري وش بقى سيفه يسله
حط حره في صديقه لجل ما يقدر عدوه

لايجي في بالك امشي في طواريق المذله
الليالي علمتنا كيف تاخذك الجروه

كم تحملنا على شانك من الانذال زله
غو غيري في طريق التهلكه بلحيل غوه

ماتغير لاعزوم ولا سلوم ولا جبله
اركب اعلى ماب خيلك سو ما تقواه سوه

وان نخيتك يا خوي الجنب دل الدرب دله
كان ماتقدر على الميقاف وش معنى الاخوه

الله الاتك تقدم باالنوايا المستهله
والضمير الحي يشعم مع طلوع النور ضوه

قوم تكفا يا لعله يبرد الملهود غله
والله ان اليوم يومك كان جابك الحموه

الشاعر
عبدالله بن سالم البدراني