منتديات البدارين - محاورة في الطائرة

السلام عليكم ورحمــة الله وبركاتـــــــــــــــه

اسعد الله جميع اوقاتكم بكل خير جميــع

محاورة جرت على متن الطائرة بين شاعرين من شعراء المحاورة

قـــــصــــة المـــحـــاورهـ:

يحكى أن الشاعرين مسعد القصيّر الجهنى وعلي الهجلة المطيري

كانا متوجهين على متن طائرة من المدينة المنورة إلى المنطقة الشرقيّه

لإحياء أمسية محاورة هناك شاءت الظروف أن تجمعهما هذه الرحلة ولكن لم

يجتمعا في مكان واحد ... المهم أنه بعد الإقلاع قام مضيفو الطائرة بتوزيع

المرطبات والحلويات وبعض من ( السندوتشات ) وقد شاهد الشاعر على الهجله

زميلة الجهنى وهو يتناول السندوتش فحرضة ( خبث ) المحاورة لأن يطرح

ماشاهده شعرياً فأرسل بيتين في ورقة لزميلة يقول فيها :

الهجلة

بعد المفطح والدلال الصفر وعلوم الرجـال=عشاء القصيّر سندوتش وقهوتة نسكافيـة
سبحانه من هو غير الأحوال من حال ٍ لحال=أيامنـا واليالنـا ماهـى دوام ٍ صافـيـه

فما جاءته الورقة وقرأها إلا أن قام بغنائها بصوت مرتفع راداً على ذلك بقولة :

الجهنى

حنا ضيوف أهل المدينه والكرامة للهجال=والناس يأهل العرف ماتخفى عليهم خافية
سبحان منهو سيّر الجنبوْ تجي فوق الجبال=اليا مشت مثل السهم في الجو ما تنشافيه

الهجله

لو المضيفة عارفه قيمتك جابت لك خيال=يوم عرفت قيمتك واليا مالها محرافيـه
اللى يجمل حال من عوّضك بأيام الجمال=اللى مع الشعبان تطردها ورجلك حافيه

الجهنى

وراك ما علمتها وأنت كبير مع العيـال=نارالمضيفه ماتولع وأنت نارك طافيـه
والفضل لله ثم لابن سعود وخشيم الريال=وأنا دفعت العمله اللى ترضي الصرافيه

الهجله

أنا ماشفتك غير في الكرسي مربط بالحبال=واللى يربط ماتربطه العرب مـن عافيـه
الله يسهل لك تروّح لليمـن وإلاّ الشمـال=تستاهل العلم الوفـي ياكمـل الأوصافيـه

الجهنى

أنته تضايق كل مأنته شفتنى لابس عقـال=واللى عطاك الجامعه غشّشك في الجغرافيه
الله يوفق خير وتعيش السبتع مع الجبـال=ويروي العطش لـو الشـرب بالمغرافيـه

اتمنى انها تكون اعجبتكم المحاورة