أنا همومي غير ......!!
أنا همومي غير ......!!
بالأمس ويش اللي حصل بالأمس ياكثر الهموم = وهم أعده من اعتى الهموم الكايدة فزيت واقف من منامي وارتكي واجلس وأقوم = كني مريض تحت سره شلعته الزائدة أو كني اللي طائح مجروح من رمي السهوم = جاه الطبيب وقال له ما من علاجك فأيده مثل الغريق اللي وقع فالبحر ما يعرف يعوم = إن صاح ما احد يسمعه والقرش قام يصايده العين عيت لا تنام تقول صايبها هزوم = والعظم كنّك غارس السكين في جرايده غنيت ما قصدي طرب وإلا تغزل يالقروم =كم واحد ما همّه إلا الزين في قصايده أنا همومي غير يسر الليل أناظر فالنجوم = هواجس القلب الجريح تزيد من لهايده أخاف أفك أبواب سر القلب وأقول العلوم = ويدري بسري مشغل العربان في نقايده ما همّه إلا ينقل الإخبار ويعد الثلوم = يفرح إذا حصل خبر والناس فوق المايدة خطوة رجل ما يستره يا غير لبسه للهدوم = واليا هرج واليا علومه كلها متحايده اللي سواته ودك إن يحط بالجبهة رقوم = لا اجل النمائم والهروج العوج من عوايده ولا ينتجلس مع رجال الطيب وافين السلوم = مجالس أهل الطيب تنفى هالوجيه البايده نبغي رجال تحفظ الأسرار وتسد اللزوم = وبعض الخلائق ما يفيدك لو بذل جهايده إن صارت القالات صعبه لا تحزّم بالرخوم = جوّد حزامك وانتبه والرجل من سنا يده لو كان لك قلب على الشدات والموقف عزوم = مالك عن المكتوب واللي رب خلقه رايده لو انك الرجل الشجيع اللي ما يعبا بالخصوم = إن كان ما رأيك سديد الجيش ما أنت بقايده كم واحد إذا بدالك كنّه القرم الصروم = يحسّب إن الحق له والحق في قلا يده أقولها وانأ ليامني بغيت ألسوم أسوم = ليّه مع أهل الطيب وأهل العرف كلمه وأكده في البر وإلا فالبحر القسم من خير القسوم =لي نظرة فوق النجوم النفس ماهي هايده وختامها صلاة ربي عد همال الغيوم = على النبي اللي هدى للدين في عقا يده الشاعر / عبدالمطلوب البدراني |
العين عيت لا تنام تقول صايبها هزوم = والعظم كنّك غارس السكين في جرايده غنيت ما قصدي طرب وإلا تغزل يالقروم =كم واحد ما همّه إلا الزين في قصايده الاخ العزيز عبدالمطلوب صح لسانك الف قصيده جزله لاتاتي الا من جزل وبيض الله وجهك |
نبغي رجال تحفظ الأسـرار وتسـد اللـزوم***وبعض الخلائق ما يفيدك لـو بـذل جهايـده
إن صارت القالات صعبه لا تحـزّم بالرخـوم***جوّد حزامك وانتبه والرجل مـن سنـا يـده ابو ناصر صح لسانك وعلا شانك لك الود |
الواقع
|
اقتباس:
سعدت جدا بمرورك العطر اخي مشاري البدراني وصح قلبك ووجهك ابيض والله لايهينك لك فائق احترامي |
الساعة الآن 03:18 PM. |
Powered by vBulletin® Version 3.7.1
Copyright ©2000 - 2024, Jelsoft Enterprises Ltd.
mamnoa 4.0 by DAHOM