منتديات البدارين - شبيه الثريـــــّـــا

=( شبيه الثريّـــا )
الفكر صحصح واعتدل خاطري تو = والبال في نظم القوافي تهيّا
روّق مزاجي وانتعش عندي الجو = من يوم شفت اللي شبيه الثريّــا
أبو جبين (ن) يشبه البرق بالضو = ما شفت مثله بالخلايق حليّا
في كل يوم يزيد روعة ويحلو = حرام ما خلى من الزين شيّا
ليت ولعل وحبذا يعلم ولو = باللي في قلبي من جروح (ن) خفيّا
كلي فدا عيونه وما يطلبه هو= أنا أشهد أنه كاوي القلب كيّا
يا صاحبي خذني على كيفك وسو= سو ما بدالك يا جميل المُحيّا
=شعر /ضيف الله البدراني (أبووليد)