صاحبي حانت لنا رجعة الشرقيه =ديرة من يوم قلبي جالها معاديها
مساكم الله بالخير
كتبت هالابيات بعد عيد الفطر المبارك قبل مانمشي للشرقيه بساعات وارسلتها للخوي اللي مسافر انا وياه ,,
صاحبي حانت لنا رجعة الشرقيه =ديرة من يوم قلبي جالها معاديها ديرة ماتنوصف ياكود بالمحميه=المصافي حاديتها والبحر حاديها شارع الظهران والبيبسي وابو حدريه= وراس تنوره ورحيمه لعنبو طاريها اشهد ان مالي بغلاها يارفيقي نيه= لو يسولف لي مهاويها عن اللي فيها والمحبه وهبه من الله تجي عفويه=ولاعطاها الله ولاني ياعرب معطيها ابتلتني والبلا للنفس ماهو شويه=يحرق افراح الزمان الاول وتاليها منوتي دار يفز القلب من طاريه =ديرة مشهورة بالمجد من ماضيها ديرة فيها المكارم والوجيه الحيه=ديرة لو طال فرقاها ماني ناسيها ديرة باطراف نجد وطبعها نجديه=وللمدينه تابعه والعلم ذا يكفيها لو بغيت اوصف مزايا ذيك ولا ذيه = والله ليبطي القصيد اللي يبي يوفيها يوم مرتها المزون بداية الوسميه =وجاها نسناس البراد اللي علا واديها وزان شوف الارض والدله لها ماريه=والقوافي له رجال تشيل وتغنيها شلت عفشي فوق موتر ناصي الشرقيه= ديرة لولا المشاغل ماني بناصيها }}}}} ورد علي بها الابيات ,,,,
حان ميعاد السفر شرق وعقدنا النيه=نبي ننصى دار غير ودارنا نخليها لو تركناها ورحنا ماهي بمنسيه=ساكنه وسط الحشا وقلوبنا تغليها ياعسا صدق المزون يمرها عصريه= لين كل سهولها وشعابها يسقيها وانت لا تعتب ولا تجزع من الشرقيه=والديار الها رجال وبالوفا توفيها عارف ان دارك بقلبك ماش دار زيه =وادري ان عروق قلبك بالغلا ماليها ابدع الابيات فيها يمكم رديه =وباجمل انواع المشاعر قلبي يحييها ديرتن ساكن بها اغلى الخلايق ليه = كيف ابنساها وانا قلبي دفنته فيها لو بتبعدنا الظروف شهور او حوليه = والله وعهدن علي كل الوفا لاعطيها محمد الجابري الحربي |
الاخ ابن شنوت
شارع الظهران والبيبسي وابو حدريه***وراس تنوره ورحيمه لعنبو طاريهـا صح لسانك ولسانه ودائما الفراق صعب لك الود |
الاخ ابن شنوت الله يعطيك العافية صح لسانك ولسان خويك الجابري وعلا شانكما
وكل بداره مولع = يالو يسقى طناها يروح منها بلا ريش = وان رد له ريش جاها ولك اجمل التحايا |
الاخ ابن شنوت صح لسانك وصح لسان محمد الجابري ودمتم بود |
صح لسانك مدد بلاعدد
الاخ الشاعر ابن شـنوت أسعد الله اوقاتك بكل خير وصح لسانك ولسان خويك محمد الجابري. وسلم نبضك واحساسك على مااتحفتنا به من رائع . سجل اعجابي هنا...واتمنى اقرا المزيد من قصايدك فلاتحرمنا منها الله لايهينك ويعطيك العافيه. |
الساعة الآن 08:09 AM. |
Powered by vBulletin® Version 3.7.1
Copyright ©2000 - 2024, Jelsoft Enterprises Ltd.
mamnoa 4.0 by DAHOM