منتديات البدارين - قصيده قيلت في لشاعرنا (محمد عبد المحسن البدراني) على جهوده في مجالس حرب

هذي قصيده وجهت لشاعرنا القدير محمد عبد المحسن البدراني
على الجهود الواضحه والكبيره في خدمة شعراء
قبيلة حرب واهتمامه في في شعراء المجالس
وهي من الشاعر خلف بن عقيل السهلي الحربي

واليكم القصيده....

يانديبي هاك رقم الحجـز واخـذ التذكـره
جاهزه مر الموظف واطلبه كرت الصعـود
واركب اللي جنبها يلمـع تقـال المنظـره
جاثية فـوق المـدرج مستعـده للسنـود
صنعة اللي قذلته شقراء ومربـوط شعـره
استفادوا مسلمين وهو يهودي مـن يهـود
وارد امريكا سفن مع فـور سفـن منمـره
وصنفوها في وكالات الفضاء لقطع الحـدود
شفتها وسط المطار تقـول فيـه مشنكـره
شابكه فيها خراطيش الهواء لضغط الوقود
ذاك سلك وذاك لـي وذاك مثـل الحنجـره
وكل هذا من شروط اقلاع رحلـه باتعـود
واجنحتها كنك تعاين طـروف المسطـره
تنفرد وتعـود للداخـل ويطويهـا العمـود
ودفـة التوجيـه راكـزةٍ بتـال المؤخـره
ايتحكم في اتجاه الطائـره عنـد الركـود
ولا جلست اسمع لتوجيهات تلقيهـا مـره
واقفه بين الصفوف وترشد الناس القعـود
تشـرح حـزام الامـان توثقـه وتحـرره
مع قناع الاكسجين اللي معلق في الحيـود
واستمع لدعاء السفر و(حسين نجار) شهره
وديننا الاسلام معنا كل لحظـة لـه وجـود
من مطار اقيلـم طيبـه للريـاض مغمـره
ناد بلي واحـد ناصـي عريبيـن الجـدود
وماحلـى دويهـا بالجـو ساعـة تعبـره
وقام يدوي بين موجات الهواء مثل الرعود
والله الحافظ لهـا ماهـو نظـام السيطـره
ماتعـدى ساعتيـن الا بـدار ال السعـود
ولا وصلت انصا هل التكاسـي المتخضـرة
وقله اوصلني حرض سرعه ولاتهمك نقود
ولاوصلت هناك عنه انشد وبتلقـى خبـره
قول وين محمد البدرانـي الشاعـر وزود
وعرفه شخصك وسلم فوق راسه واشكـره
وقول انا مندوب ابن عقيل مرسل بالطرود
في مجالس حرب يفخر فيك كـل المفخـره
ويتمادى في مديحـك والمعرفـه بالـردود
وعنك يلقى له علوم وطيب عود ومبخـره
ويشكر رجال الشكالة مثلكم على الجهـود
لجل هو رجلٍ لحرب تصير فيـه العنصـره
بس هذا العلم كلـه مـن حـدوده للحـدود

اخوكم / خلف بن عقيل السهلي الحربي

وبيض الله وجه الشاعر
ويستاهل ابو عبدالله ولنا منه اجمل تحيه....