|
قصيده لثابت بن بنيدر البدراني
هذه القصيده لثابت بن بنيدر من الحميدات
قلها وهو جاي من ودي الفرع متجه جهة ديار البدارين بنجد وفي اثناء الرحله كانو ينزلون ويقيمون اربع ايام خمس ايام نزلوا اول مره وتجاور هو واحد اسمه ابو دريميح . اول مانزلوعنده عزمهم وجبهم وكان كل بعد صلاة فجر يعزمه للقهوه وبعدها شدو واصلوا مسيرهم ونزلو عند واحد ثاني عكس ابو دريميح تماماً. ونوو انهم يشدون من ثاني يوم وقال هذه القصيده الي يمكن مفقود اكثرها
البارحه نومي بعيني شلاويح = وقعدت لين الصبح بين سرابه وجلست وظهرت الدلال المدابيح = وسويت فنجال عذي شرابه وظهرت بنن ماتجي به شلاويح = ونهمت من لم الحطب ثم جابه ويابكرتي تولمي للمساريح = الدرب يم غراب ويمن هضابه التوم جلاني بكثر التصاييح = لاعاد يومن طشني في ترابه الله يوسع خاطر ابودريميح = الي يوسع خاطري في جوابه |
التوم جلاني بكثـر التصاييـح==لاعاد يومن طشني في ترابـه الله يوسع خاطـر ابودريميـح==الي يوسع خاطري في جوابـه الشاعر / طلال بيض الله وجهك على النقل الرائع و صح لسان الشاعر / ثابت بنيدر: |
سلمت يداك ياأباسعد
ورحم الله الشاعر ثابت رحمة واسعة تقبل تحياتي |
سلمت ودمت يابو سعد والله يعطيك العافية ويرحم الشاعر الكبير ثابت البدراني ،،،،
أخوي طلال آمل ألاّ تحرمنا من مالديك من قصص وقصائد ... تحياتي وتقديري لك حفظك الله .... |
|
الشاعر والأخ العزيز / طلال سعد البدراني تسلم يمينك على النقل وصح لسان جدك ثابت بن بنيدر رحمه الله تحياتي 0 0 0 |
بارك الله فيك اخوي طلال
ولاهنت على نقل القصه والقصيده وعلى ذكر ماغاب عن الذاكره |
الاخ الغالي {{ طلال بن سعد البدراني }} السلام عليكم ورحمة الله وبركاته تسلم يمينك على نقل هذه القصيده ورحم الله الشاعر ثابت ابن بنيدرالذي يعد من افضل شعراء البدارين واتمنى منك يابوسعد ان تجمع جميع قصائده في منتدانا الذي نطمح ان نجمع من خلاله جميع قصائد شعرائنا تقبل صادق الود ابويـــــــــــــــــارا |
ماقصرت على القصيده والله يرحم شاعرها..
ولا ترحمنا من قصايدهم اذا نعرف منها شي ويعطيك العافيه.. |
سلمت يابو سعد والله يرحم قايلها
ولا تحرمنا من مشاركاتك أبو سطام |
الاخ طلال
قصيد جميله جدا اشكرك عليها والله يرحم الجد ثابت رحمه واسعه ولكن من هو ابو دريميح,,,,,,,,,,, لك تحياتي ملاحظه/الشاعر المتوفى لايقال له صح لسانه بل يقال رحمه الله |
ما قصرت يا طلال والله يرحم ثابت وجميع المسلمين
|
رحمه الله
اختيار موفق أخي تشكر عليه لاهنت |
صح لسانك وبيضالله وجهك شـكــ وبارك الله فيك ـــرا لك ... لك مني أجمل تحية .
|
'طلال سعد البدراني
صح لسان ولسان شاعرها وبيض الله وجهك لك التحية والتقدير |
صح لسانك يا طلال وماقصرت ولك بياض الوجه
|
الشاعر / طلال بيض الله وجهك على النقل الرائع و صح لسان الشاعر / ثابت بنيدر ورحم الله الشاعر ثابت رحمة واسعة |
| الساعة الآن 01:32 PM. |
Powered by vBulletin® Version 3.7.1
Copyright ©2000 - 2024, Jelsoft Enterprises Ltd.
 |
 |
 |
 |
 |
 |
 |
 |
 |
 |
 |
 |
 |
 |
 |
 |
 |
 |
خريطة الموقع
mamnoa 4.0 by DAHOM
