احبتي واخواني اتمنى ان تنال القصيد رضاكم

يابنت انا من عسف بالشعر شيطانه = ماحت اشكتي للشعر في يوم من قله
ان كان ربي عطاك اوصاف فتانه = انا عطاني شموخ يرفض الذله
اول اناديك يوم عيون نعسانه = واقول طول غيابك خافي من الله
واليوم ابجرحك جرح صعب نسيانه = دام قلتي تغزل والفخر خله
دامك وصلتي لساس العود واغصانه = عزالله ان حجاجي منك لافله
ابوي فخر عزوتي وافخر على شانه = وكل القصايد تموت ولاتوصله
ويومٍ غيره يرد الشور لفلانه = يابنت ابوي يغار السيف منه لاسله
ويومٍ غيره عقد للضيف حجانه = يابنت ابوي يروح الضيف مامله
شيخً نهاية حدود الهم بيبانه = وماينعقد راس حبلٍ خابرٍ حله
تجيه شمطان اللحى بالحمل بلشانه = وتنساه عنده على كتفً تزهله
معطيه راعي الجود سبحانه = اكثر من اللي قسم بين البشر كله
وعذري لشيخ نظمت القاف من شانه = عيا وانا اللي عسفته دقه وجله
وان كان منتي بعد هالقول ندمانه = ماني ولد من يهاب الموت من ظله

وســــــــــــلامــتــكـــــــــــــم