اقص الراس قدامكــ .. ولا أخضع لأشكالكــ
 

جبرك الوقت ترجعلي جبرك وجيتنـي ندمـان

دمرك الشوق يا خاين وجيت تسابـق ظلالـك



عرفت الحب بغيابي وعرفت انك معي غلطـان

تاكد ما يشرفنـي طريـقـ(ن) دربـه وصالـك



تبيني اخضع لجل عينك وانا ما اخضع ومهما كان

اقص الراس قدامـك ولا اخضـع لأشكالـك



لعبت بحسبة جروحي وكتبت من الحزن عنـوان

ونسيت اللي يحبك موت وصار الغيـر يحلالـك



إذا غيري يبي قربك وصـرت فبحـره الغرقـان

نصيحه لا يموت الحـب ومـن قلبـي هنيّـالـك



تشب النار في قلبي وتنسى انـي معـك انسـان

تخالط بالشقى هيلك وصـب الهـم فنجالـك



بعد ما انقلبت الدنيـا تجينـي محتـرق ولهـان

وتقول ارجوك سامحني ووعد منـي ابوفالـك!!



تبي قربي انا حاظر ولكن بطلبـك مـن شـان

تشوف شلون لي عزه تـرد الجـرح لامثالـك



أبي تبكي على شاني وابي تصرخ مـن الحرمـان

ولو اني بآخر الدنيا ابسمـع صـوت موالـك



ابيك تصير مجنوني ومن شافـك يجـي شفقـان

يقول شلون علمني وش اللي غيـر احوالـك؟



تدل الدرب من دوني وقدمك سكة الأحـزان

توكل لا تنادينـي ويعينـك الله علـى حالـك



وانا يكفيني ذليتك وحديتـك علـى الهجـران

تقول الموت من بعدك واقول هنااااك اشوالـك



غسلت ايديني من حبك وبرحل واهجرك يافلان

فمـان الله وباقيلـك نصيحـه خلهـا فبالـك



ترى من يضحك الاول مصيره فاللعب خسران

وانا من يضحك الثاني عشـان احطـم آمالك


منقول
http://www.gulfup.com/up/jpgfiles/QXO52582.jpg