|
الذنب ماهو ذنبها يالبدراين
أمس العصر ساق القدر خطوتي لين طبيت بالصدفه بسوق العلاولي والله مالي حاجة بالدكاكين ولاني مع أهل العشق سارح وضاوي يالين طاحت نظرة العين بالعين ومن نظرة الاعيان طحت متساوي عنق الغزال اللي تقود المزايين شلة قدم رجلي ما زيد الخطاوي جتني تمشى تقصر المشي بهوين وانا بقلبي قمت اشيل العزاوي مرت من يميني على بعد مترين زول(ن) غريب ووصفه أمرٍ سماوي قالو تمن وقلت ياليل ياعين حتى المناوي ما تجي بالمناوي واليوم شفني اصفق يسار بيمين كني هبيلٍ مالقو له مداوي والذنب ماهو ذنبها يالبدارين الذنب للي جابها للعلاوي وسلامتكم |
صح لسانك اخوي الشاعر مخاوي الليل ومالك لايم قصيدة عاطفية رائعة روعة حضورك لك تحيتي وتقديري |
صح لسانك اخوي مخاوي الليل
قصيده اكثر من رااائعه وجميله دمت باْفضل حال |
والذنب ماهو ذنبها يالبدارين
الذنب للي جابها للعلاوي الاخ مخاوي الليل الله يعينك وابدا تاكد ان البدارين لن يلومونك رائعه سعدت بالاطلاع عليها واستمتعت لك الود |
الغالي / عبدالمطلوب مبارك صح بدنك ولاهنت على مرورك الراقي سعدت بهذا المرور بيض الله وجهك ولا هنت |
| الساعة الآن 10:34 PM. |
Powered by vBulletin® Version 3.7.1
Copyright ©2000 - 2024, Jelsoft Enterprises Ltd.
 |
 |
 |
 |
 |
 |
 |
 |
 |
 |
 |
 |
 |
 |
 |
 |
 |
 |
خريطة الموقع
mamnoa 4.0 by DAHOM
