منتديات البدارين

شفت السحاب اقبل بعد طلة سهيل
يلوح براقه. وترزم. رعوده
يا الله عسى وادي الفرع فاله السيل
من الشعيبه للخريبه حدوده
يعم خيره بالليال المقابيل
يسعد بها اهله وتزايد وفوده
ويصدّق (الوسم ) وتزين التعاليل
وكل النبات نشوفه اخضّر عوده
دارٍ لنا فيها الرجال المشاكيل
اهل المكارم والسجايا محموده
يباشرون الضيف بالبن والهيل
يشهد على ماقلت حيٍ تروده
واد العمور اهل السيوف المصاقيل
دونه يصدون النفوس الحقوده
متوارثين الطيب جيل بعد جيل
طيب ورثه الشاب من راس عوده
واد النخيل اللي قناتة مهاديل
وقت مضى بالصيف تكثر حشوده
ينصاه من قلت بيده المحاصيل
يوم الزمان اللي قليله فيوده