الله مـن قلـب هجوسه تمـله
. قصيدة اعجبتني ونقلتها لكم أمل انها تحوز على رضاكم
الله مـن قلـب هجوسـه تمـلـه=مل الغضـى لمبهـرات المباهيـر شوف البراري والفضـاء ولعتلـه=لا شفت بالمنشـأ مـزون مزابيـر ياموتـري ريحتـك القيـض كلـه=ابيك الا قامـت تطـول المشاويـر لابـد لـك لا بـرد الوقـت تـلـه=يحن ماطورك على ساقـة الطيـر في ماقع بعـض العـرب مايدلـه=مدهل لفتخـان الرجـال المناعيـر نبـي لنـا معهـم وناسـه وفلـه=مع درب مسهاج الوسوم المباكيـر الا اصبحت روس النـوازي مطلـه=عقب الجليد نكسـر الثلـج تكسيـر ثم اصبح القرناس من عقـب طلـه=يوجس بجلده مثـل دق المساميـر وستطلعوا خطو اشقر عـادت لـه=حرش الكفوف يمزر الخرب تمزيـر والبارحه حل المساء قـد حصلـه=عشى خفيف من ابرق الريش تنسير لا فرعـوه وشافهـن ودرجـلـه=ودلج وراعي الجمس كفه على القير تضايقن عقـب الفضـا وحضرلـه=سلط على وحـده وذلـك مخاميـر وليا المشبب عندهـم مزهـب لـه=بالي ندبهـا طيـر الريـش تطييـر والخـرب طقـه ماتعـدى محلـه=والثالثـه فـرت ولا عينـت خيـر بطيارهـا شفنـا غيـاره وخـلـه=زمـت وحولهـا ولـي المقاديـر اعلق بها الـي عوقهـن سهمتلـه=شيهان عوق ملوعـات المعاشيـر ملموم مثل الصـول طولـه بجلـه=اجرد يصخر شرد البـرق تسخيـر وكل ركض للـي بوجهـه يشلـه=تزارقوهـن بالـحـدود البواتـيـر اكبودهـم عقـب القرايـا مغـلـه=تسعة شهور نقزر الوقـت تقزيـر ركبو وقالو تبـع الجمـس ضلـه=لما نقول اوقـف اكفيـت العواثيـر نبـي لنـا خـد مهامـا مـزلـه=مادوجت فيها الغنـم والمضاهيـر تلقى بهـا زرق المعـارف محلـه=بيض الدواغـر متعبـات المداويـر هذا هوى الي قـزر القيـض كلـه=ماشاف غير القوبعـه والعصافيـر |
الاخ عادل البدراني
الله يعطيك العافيه قصيده رائعه وذائقه اروع مشكووووووور وسلمت يداك ودمت بود يالغالي |
الاخ عادل شكرا على هذا النقل الرئع صح لسان بدر
|
الاخ عادل البدراني رائع في كل ما تقدمه قصيدة رائعة وصح لسانك ولسان قائلها ولك الود |
الاخ عادل البدراني الله يعطيك العافيه قصيده رائعه وذائقه اروع وصح لسانك ولسان الشاعر بدرالحويفي ولك خالص الود والتقدير |
الساعة الآن 04:32 PM. |
Powered by vBulletin® Version 3.7.1
Copyright ©2000 - 2024, Jelsoft Enterprises Ltd.
mamnoa 4.0 by DAHOM