قصيدة .... ممدوح البدرانــــي
قصيدة الشاعــر / ممدوح محمد البدرانــــي
راكب اللي حار تصميم وفخامـه=منوه اللي هيض البـارق شجونـه فيه كل الزين وأنـواع الوسامـه=حض منهو لـو بديـن يشترونـه قبل يصنع قررو يـدرس نضامـه=وقررو باحدث تطـور يصنعونـه من مصنعه يحمل أدوات السلآمـه=ومن هقابه زين ماخابت ضنونـه توه مصنع تـرى محـال عامـه =وقـررو يـم الخليـج يصدرونـه كهربه تطلـع وتنـزل بالاجامـه=فل كامل جيـب مدرجـه ركونـه المراتـب كنهـا ريـش النعامـه=فصل متحرك بـزرآ يضغطونـه رقعته ديباج وفضل خـام خامـه =مثل نجم سهيـل الحليـت الونـه والجناح خلاف من تحته علامـه=كلمة الكزز عسى ربـي يصونـه قالومابه قلت ماهي مـن غشامـه=غلطه المصنع نسـى لايركبونـه اصطبه الخلفي تقل جمر بعدامـه=يشقي الانضار واللـى يلحقونـه وكان جاه الليل واسمرفي ضلامه=نوره العالي كيلـو مـاش دونـه وان مشى بزفلت تربطله حزامـه=كنك بمجلـس وربعـك يدهلونـه وان مشى في بر لاطير عسامـه=ريحن مشيه على اللـى يركبونـه الذهب بالسوق وش يسوى جرامه=مـن ذهـب ضـنـي ينحتـونـه مفلس من باع واطلق في خطامـه=واربحن من صار بالمعرض زبونه عنـده الفكسـار لوقـف حمامـه=واربحن من صار بالمعرض زبونه سايقه يلمس تكييفـه فـي بهامـه=يشتغل بالامـس يامطيـب فنونـه أشهد أنه يستحق اصـل الزعامـه=يعجز التوصيف واللـي يصقونـه تقل شيخن يعتزي لاجل الكرامـه=حـاصلله شـي ثـم رود غبونـه يفتـل برايـه ويحـذف بالعمامـه=وخوياه بـدون ذنـب يفارعونـه الملامـه صانعـه مالـه ملامـه=غير في دينـه عساهـم يفقدونـه أشتره الان كان متبغـى الندامـه=وأنشد اللـي بالزمـان يجربونـه فارضـن اللكـل قـوة باحترامـه=ومدحته واجب على اللي يعشونـه وأختم بوصفي واعلن في ختامـه=اصلاه اعلى النبي مالـه مهونـه |
صح لساانك ولسان الشاعر ممدوح البدراني
واقترح لو يذكر اسم الشاعر كاملا ومن اي البدارين ومقر سكنه 0 حتى نتعرف اكثر 0 حيث ان هناك تشابه كثير بالاسماء شكرا اخوي عادل والله لايهينك |
الغالي عادل البدراني
تسلم يمينك على النقل وصح لسان الشاعر.. اضم صوتي لصوت الاخ / عوض.. لوتكتب نبذه ولو مختصره عن الشاعر وشعراء البدارين ليتم التعريف بهم.. تقبل ارق التحايا |
الاخ/ عـــوض البـــدرانــــي الاخ/ الزعيـــــــــــــم أولآ شــكــرآ علـى مــروركم ثانيآ تامــرون أمـــر واعــذرونــي على هــذي الملاحــظـه
من البراكيــــه من سكان مدينه الرس |
والله والنعم فيك وفيه
ونرجو ان تتحفنا بالمزيد والجديد من قصائده الله لايهينك |
الساعة الآن 07:28 PM. |
Powered by vBulletin® Version 3.7.1
Copyright ©2000 - 2024, Jelsoft Enterprises Ltd.
mamnoa 4.0 by DAHOM