يالي على بيت البدارين مريت = إخذ من جزال العلوم إثمرتها
سوالف تطرب لها لاتوحيت = تحفظ سلوم جدودنا مامحتها
كل الهدف تجميع مافيه تشتيت = لن الرجال تسرنا معرفتها
مع صف ربعي ياولد ماتخليت = من مبتدى دنياي لآخر سنتها
ربعي هل الناموس كسابت الصيت = قوم يدل بطيبها سامعتها
تفرح بهم ملحاً تخل العدو ميت = وضحاً لها مطرق لنفض شعفتها
كم واحد وده بها حسب ماوحيت = لاكن ضاعت هقوته يوم جتها
قدامهم كد طوعو كل عفريت = يوم الهمليه تثوع اغبرتها
دقو بكبده من دقاق الحلاتيت = لين اطعم المره وذاق اخرتها
يوم ً هاجد حتت المشط تحيت = ولافيهن الي مخطيه صايبتها
هرج عليه شهود ويظاً تثابيت = خمسين عام مامحت معضمتها
لطامت العايل كعام الطواغيت = من دون حرب ليابدت لازمتها
مع حرب موقفهم مثل واسط البيت = مع ربعهم ماحدً جحد منزلتها
امجادهم ماتنحصي لو عديت = كم ناس معهم ماطول السنتها
وفوقً على هذا كرام لياجيت = تكرم لحى ضيفنها لانصتها
اصغارهم تنطحك في قول حييت = وكبارهم من قبل محدً شمتها
وانا على حق العرب ماتعديت = امجاد معروفه يدي اكتبتها