الصراحه مزعجه
 

الجبال اللي تزحـزح مـا تزيـح
و الغصون أدنى هبـوب تزولهـا
اعتنز علـى جبـل و لا تطيـح
الجبـال تـذرّي اللـي حولـهـا
و الصراحة مزعجة و أنا صريح
تزعجـك مـا تزعجـك بآقولهـا
شاعرٍ موهوب و لساني فصيـح
و سابحٍ عرض البحور و طولهـا
و الأفاعي روسها تنـدح نديـح
و العقارب سمّهـا فـي ذيولهـا
ما على الدنيا ضميـرٍ مستريـح
كـل خلـق الله تعـن خيولـهـا
ذا يون و ذا يحـن و ذا يصيـح
و ذا يخطّف راسهـا و رجولهـا
و الشعر .. هذا قبيح و ذا مليـح
و كلبوهـا ســاريٍ مفعولـهـا
اجلد القبيح فـي وجـه القبيـح
و قول وش رايك؟ و أقول أصولها
و إلا أنا ما قد مدحت إلا المديـح
الجمـال اللـي تشيـل حمولهـا
و الصراحة مزعجة و أنا صريح
تزعجـك مـا تزعجـك بأقولهـا
و إلا تدري ما يصح إلا الصحيح
خاطـب العالـم بقـد عقولـهـا الشاعر ,, سلطان الهاجري[/size]

صح لسانك يعباث ولسان الشاعر سلطان
تـــــــحـــــياتـــــي

صح لسانك يا عباث

ولسان الشاعر
ونرحب فيك فى منتداك وبين اخوانك

لك الود