هم عزوتي بجمع المعادي ليا هيب
بسم الله الرحمن الرحيم هذي قصيدة قديمة في اللواء متقاعد عبداللة بن دليم البدراني فيما قام فيه من جهود في سبيل انجاح حفل قبيلة حرب لمزاين الابل : أهلا هلا ترحيب قافيه ترحيـــــــب *** كلمة وفاء لضيوفنا والعشيــرة مني نيابة قلتها مابها ريـــــــــــب *** باسم القبيلة والمعاني غزيره الطيب يابن دليم حظ ومواهيــــــــب *** وانته معك للطيب عزم وبصيرة ابو بدر راع الوفاء والمواجيــــــــب *** حلال صعبات الامور العسيــــرة حيثه فهيم وكد مضالة تجاريـــــــب *** قدم براية للوجية السفيــــــــرة رايك وفعلك يرفع الراس ومصيــــب *** فعل فعلته مايحلى بغيــــــــــرة فيك الثقة فيك الوفاء للمعازيــــــــب *** واكبر دليل عيال صقر الجزيرة أهل العدالة والصخا والمناصيـــــــب *** أهل المكارم والسيوف الشطيرة باسم قبيلة حرب سقت المناجيـــــب *** وذاعت بها الاخبار في كل ديرة يالحر الاشقر يابعيد المجاذيــــــــــب *** تدرك حساب الطايلة والقصيـرة والله والله عالم السر والغيــــــــــب *** ماقلتها من شان نكشف سريرة ياطيب الرفقة حصان الاطاليــــــــــــب *** من ضامري نبدي مشاعر وغيرة ضافي عضيدك له تحية وترحيـــــب *** ربي من صدوف الليالي يجيــــره لعل شمسك يابيض الوجة ماتغيـب *** أنته ومثلك للقبيلة ذخيــــــــــرة ويشهد على ماقلت ربعن وأجانيــب *** واللي يقول الصدق يبري ضميـــرة يقولها شاعر جوابه بترتيـــــــــــب *** ومن يترك الماجوب عيب ومعيرة من ضامري سجلتها بالمكاتيــــــــب *** نصخر جزيل القاف مانستعيـــــــتره ربعي قبيلة حرب كسابة الطيـــــب *** سجل لهم تاريخ الأمجاد سيــــــــره هم عزوتي بجمع المعادي ليا هيب *** قوماتهم ترهب جموعن كثيره كم واحدن طشوه للطير والذيــــــب *** يوم الجهل لاتار عج المغيـــــــــرة بديتها ترحيب والختم ترحيــــــــــــب *** ويالله تامرنا على كل خيــــــــــــرة الشاعر/عوض بن ركيان البدراني |
اهلا وسهلا ومرحبا حياك الله
وصح لسانك واعتلا شانك وصح لسان الشاعر عوض بن ركيان البدراني ويستاهل ابا بدر كل خير وكل علمٍ غانم |
بسم الله الرحمن الرحيم
الاخ سمو الحرف سما حرفك وارتقي للعلا فقد كانت شعور جميل من شاعرنا الكبير عضو بن ركيان الي وجيهنا القدير عبدالله بن دليم وهلا ومرحبا فيك بين اخوانك لك الود |
سمو الحرف
تسلم يالغالي على النقل الشاعر عوض ركيان البدراني صح السانك وبيض الله وجهك على هالقصيده الطيبه والممدوح يستاهل المدح للوا المتقاعد الرمز عبد الله دليم البدراني اطال الله عمره ابو بدر نعتز ونفتخر فيه ابن القبيله البار الشاعربدرالبدراني[/b] |
الاخ عبدالمطلوب صح بدنك والله يرفع مقدارك ولا يهينك
|
الساعة الآن 01:07 AM. |
Powered by vBulletin® Version 3.7.1
Copyright ©2000 - 2024, Jelsoft Enterprises Ltd.
mamnoa 4.0 by DAHOM