حي الاصيل مقدر الجار تقدير=من طيب حظه كاسب" للجمايل
أول كلامه مرحبا بالمسايير=كلام" احلى من قراح الثمايل
تلقى السوالف والدلال المباهير= حي" نباه ولايجيب الهزايل
حر" نداوي مايصيد العصافير=يحفظ سلوم الطيبين الاوايل
والله لو بسطرالطيب تسطير=في حضرته ماحصيت كل الشمايل
ياطيب طيبه يالرجال المناعير=ولاقيل منهو قلت راع الفضايل
عوض مقر الجود زبن المخاسير=من عزوة" تتعب ظهور الأصايل
حمر النواظر حي ذيك الطوابير=عزوة نهار الكون تبرى الغلايل
يوم العرب مابين مهزوم ومغير=اهل الثلاث المعجزات الهوايل
قلته وانا من روس قوم" مشاهير=حرب الوفاء واهل السيوف الصقايل
يشهدلنا بالفعل حد البواتير=حد الويصق يوم ضرب السلايل
ويشهدلنا بالفعل راس المغاوير=ابن رشيد اللي حكم ضلع حايل
جانا يبى سود" تشوق النواضير=سود الجهام معبسات الشمايل
وأقفى معيف وراضي" بالمخاسير =هذا فعول الفخر يوم الفعايل
من قو هيبتنا نفك المعاشير=بدس الحرار وفعلنا بالدلايل
والضيف لاجانا مايلحقه تقصير=يقلط على بن" يماني وحايل
سلم" لحجرف في نهار المعاسير=وسلم" لابن ناحل مقر الجزايل
من دون من قاصر بالرجال المناعير=الطيب قسم" بين روس الحمايل
واليوم حل الامن والوقت في خير=من فضل رب البيت منشي المخايل
وحنا على درب الهدى نكمل السير=نحفظ سلوم الطيب والراس طايل
وختامها يالله يارازق الطير=تحفظ هل العادات فخر القبايل