قصيدة القصااااص ( مؤثرة )
القصيدة قصتها سلطان بن رباح كان له خوي يقال له محمد بن عقيل جمعتهم خوت الدنيا من يومهم صغار على عز و معزه كبروا و تزوج سلطان و جاه ولد و سماه على خويه محمد من زود ما يغليه كانوا يحبون المقانيص و يحبون الصيد فأطلعوا مره الأثنين ما معهم ثالث في وقت صلاة الظهر محمد يسوي الغذاء و سلطان ينظف السلاح فكان فيه طلقه ما درى عنها سلطان في المخزن فضغط الزناد و ثارت البندق و مات خويه و شال خويه و سلم نفسه و بدو الناس يتوافدون على اهل محمد عشان يتنازلون عن سلطان لكن للأسف وصلت الديه الى عشرة مليون . و رفضوا إلا راس براس صدر الحكم على سلطان و قصوا سلطان لكن الصدفه في الموضوع ان قبر سلطان كان جنب قبر محمد فكانوا اخوان في الدنيا و جيران في القبور ........... فيقول الشاعر جزاء البقمي في القصيدة :
يا فــلاح الهم خيم فوق قلبي يا فلاح= كيف تبـغـاني اســولف و انت خابرني عليل ويــش قــولــك فــي عــليل فــي حـيــاته ما أستراح= تــنـتــثـر دمـعـه عيـونـه لأظـلم الليل الطويل حـــالــتــه لا مـا تــباعـد حـال ســـلـطــان الرباح =بالخـطأ راحـت حـياته و الخطأ ما له مثيل كــان ويــا صــاحــبـه أثــنــيــن فــي أرض بـــراح= يطردون الصيــد دايــم من صبح لين المقيل اجــمــعــتــهـم صـحـبــه الـدنــيـا علـى جــد و مـزاح= ما يـهـابــون اللــيـالي و الحمول اللي تميل مـا قـتــل عــامــد و لــكـــن ثــور أبــلــيـس الــسلاح= بالخــطـأ ثــار الـسلاح و وين يلقى له دليل و أنــعــقــد ســجــنــه و ربــعـــه تـنــتظر فك السراح=و الأكيد انه سجين و ما رضوا ربع القتيل هـل دمـعـه يــوم صــلــى ركــعــتيـن فــي الـصـباح= في نــهـار الـجـمعه اللي من ثقيل في ثقيل هــلــل و كــبـر و نــفــســه تــذكــر اللــي راح راح= كــان فــي ربــعه عـزيز و ذله الوقت الذليل لا مــحـمــد لا تـــهـانــي لا ســعـود و لا صـلاح= كــلــهــم كــانــوا عـلى بـاله و همه في هديل طــفــلة مــا كــملت عــامــيـن صـايــبهـا كــسـاح= و انــتــثــر دمـعـه و حــاله مـن سبايبها نحيل حان تـنـفـيـذ الـقـصـاص و غـطـوا الـراس بـوشاح= و جـــاك سيــافه يــشيل السيف ابو حد صقيل و ارتــخى راســه و زاد الــمـوقــف الــحامي صياح= بين نوح و بين دمع و بين صيحات و عويل و أرتــفـع صــوت الـحـشـود و زاده مـحـمد و صاح= يـا يـبه تـكـفــى دخــيـلك تستمع قول الدخيل يـــا يـبـه وشــلون نــصبـر كــيـف نـهـجـع بأرتـياح= و أنــت مـــن دنـيـا عيالك ماخذك مر الرحيل يـــا مـحــمـد هــاك عــلـمـي و احــفـظه قبل المراح= انــتـبـه لأخــوانـك و بـالــك عــلـيهم لا تعيل و الله الله في الصلاة و في الصيام و في الصلاح= والــله الـــله فــي امكــم و الله لكم بعدي كفيل و غمض عــيـونه و نفــسه تطــلب الله السـماح= رافـع ســبـابـتـه مـــظـلـوم و الــله الوكيل و ســل ســيـاف الـصـفــا ســيـفــه و طــقــه ثم طاح= راس ســـلـــطـــان الـــمـراجل و انتثر دمه يسيل غـــســـلــوه و كــفــنــوه و فـــاح طـــيـب الــسدر فاح= و بــالـمــصـادف صار قبره جنب قبر ابن العقيل يــا فــلاح الـكارثـه مـا هـي ســوالـف يـا فــلاح= خــلـــنــي سـاكـــت و دور غــير هالقصة بديل تحياااااااااااااااااااااتي |
الاخ عبدالله
هاك علمـي و احفظـه قبـل المـراح***انتبـه لأخوانـك و بالـك عليـهـم لا تعـيـل اختتيار رائع وعسى الله ان يصفح عنهما ويدخلهم الجنة لك الود |
الاخ الغالي ابن سدحان اختيار جميل وقصه مؤثرة بالفعل ننتظر جديدك تقبل خالص الود |
الغالي عبدالله يعطيك العافية دائما تاتي بالراتئع باقة ورد |
غسلوه و كفنـوه و فـاح طيـب السـدر فـاح=و بالمصادف صار قبره جنب قبر ابـن العقيـل يا فلاح الكارثه مـا هـي سوالـف يـا فـلاح=خلنـي ساكـت و دور غيـر هالقصـة بديـل يعطيك العافية عبدالله بن سدحان والله يرحمهم في الحقيقة قصة مواثرة والله يجمعهم بالجنه كما جمعهم بالدنيا والقبر |
الساعة الآن 01:12 AM. |
Powered by vBulletin® Version 3.7.1
Copyright ©2000 - 2024, Jelsoft Enterprises Ltd.
mamnoa 4.0 by DAHOM