عيد ولكن !!!!!!!
هذه قصيدة معبرة للشاعر فالح آل حثلان فك الله أسره
في (غوانتناموا) عيدنا طابعه غير= عشناه بسياج (الصليِبي) إهانه مرت دقايقه الحزينه تعازير=تقطع امل باكر وتلغي مكانه للستره (الحمرا) رمتنا المقادير=هذي ثياب العيد حقد ولعانه حتى النظر مانملكه والمشاوير=خطوه بقيد وزجرةٍ بستهانه طعامنا (يادوب) يشبع عصافير=وشرابنا (رشفه) بقاع استكانه! اسرى ، حيارا (جرمنا) فالتقارير=(مسلم) يخاف الله ويرجي جنانه مع صبغة (الإرهاب) للغيظ تبرير= يعني ترانا مانحارب ديانه! لو نشرب الخمره وناكل خنازير=بين الأمم نلقى شموخ وحصانه! ياأمة الاسلام ياأمة الخير= من حرّف (الآيه) وصرتي جبانه ؟ من غيّر المفهوم حتى التعابير=توشحت بالذل فيها ليانه؟ كنا نهز اعتى الدول والطوابير=اصغر (فتى) فينا يسرّج حصانه واليوم نمّلك للعتاد الدنانير=لاكنّ طغى حب النعيم وزمانه لو كان (ننخاكم) ضحى ،ليل،وعصير=محدٍ بمرخيّ (للقضيه) عنانه ندري (ضمايركم) تسوق المعاذير=والنصر بالله ضامنينه ضمانه أقل حاجه يالوجيه المسافير=نبغى (الدعاء) منكم وهذي (أمانه) في غوانتناموا عيدنا طابعه غير=خطوه بقيد وزجرة ٍ بستهانه |
ابن عضيب اشكرك على نقل القصيده المعبره المؤثره و الله يفك اسر قائلها00 و كل عام و انت بخير |
أخي اللهبي تشرفت بمرورك العطر |
الاخ ابن عضيب لاهنت على نقل القصيدة وصح لسان شعرها |
الله يفك اسره ومن معه ويعزهم في الحياه وفي الاخره
ويرحم من قضاء منهم وان يهز الارض تحت اقدام اعداءنا واعداءهم انه ولي ذلك والقادر عليه مع الشكر لك اخي ابن عضيب على حسن الانتقاء في النقل |
الساعة الآن 12:51 PM. |
Powered by vBulletin® Version 3.7.1
Copyright ©2000 - 2024, Jelsoft Enterprises Ltd.
mamnoa 4.0 by DAHOM