سكن في نايف الوجدان
 

أقول الحب سلطانه سكن في نايف الوجدان
واقول ان ( البحر ) هاوي سفينة نوح تسري به

سلام الله على مفارق . يسولف عن جفى الخلان
أحسـّه حيل يشبهنـي بترهيبـــه وترغيبـــــــــــه

3 سنين

3 سنين

ثلاث سنين ياقلبي وانا اشوف الوصل خذلان
أقرّب يبتعــد عنــّي وش الأسباب ؟ مدري به

(عطيتـه) كل ما أملك ( عطاني ) الجحد والنكران
خذا من أولي التالي وجازاني بتغريبــــــــه

أحبك

أحبك واعترف حبك .. غدا في شعري القيفان
إذا جيت اكتب بغيرك لقيت الوزن يهوي بـــه

أحبك

أحبك واعترف حبــك تراكم داخل الشريــــــــان
وصار القلب من حبك عواطف كلها طيبــه

أحبك

أحبك كيف مااحبك !! وانا في داخلي تحنـــــان
يشب البحــر والمينــــا إذا جاتك مكاتيبــــــــــه

أنا لا قلت ( انا احبك ) نخيــت بداخلك إنســــان
أبي يفزع لقلب ٍ صار فـــن ّ الوقت تعذيبــــــــه

أبي لامن نظرتي لي يثـــور بنظرتك بركـــــان
أبي أسمع من لسانك (( يانايف طالت الغيبه؟؟))

أبيك تقول بغيابك فقدت الصبر والســـــــلوان
وصرت اغلط وكل اللي يجي باسمك انادي به

أبي أفخـر واقول انك عشقتي صاحبك بجنــان
أبي الحاسد إذا شاف الغلا حســراته تصيبـــه


تقبلو خالص تقدير



من نقول

تسلم والله يالغالي على النقل الراااائع

قصيده جميله..
لاهنت ولك التحيه والتقدير