محمد بن راشد زعيم المواجيب = المجد داره والمكارم محله
شيخ المعالي جرب الدهر تجريب= مرفوع بالتقدير عن كل زله
للمرجلة والسيف والضيف توجيب= مع الصقر للصيد بندق ودلة
مره على الشاطي ومره مع الذيب= له في طريق العز جفنه وسله
<<غلبت حاتم وابن شداد واكليب>>= شيخ حويت المجد دقه وجله
في (رؤيتي)كتابك الذائع الطيب= رأي سديد ونظرة مستقله
رحب بك العام مع الحب ترحيب= والناس خطرهم بكم مسفهله
في كل مجلس سمعتك نفحة الطيب= وصورتك صارت شعاع المجلة
دبي)بوجودك فنون وتعاجيب= شمس الحضاره شافيه كل عله
تسلم(عروس الشرق)قصد المناديب= والزين ما أحلى من جماله ودله
اجمل من روما ولندن بلا ريب= واعز من باريس والغرب كله
يالله يامن يعلم الجهر والغيب= يامن جعل منهاجنا خير مله
قربه في الفردوس يارب تقريب= واجعل جنان الخلد بيته وظله