أمير الخير

يا طير غرّد وارفع الصوت بالحان

يا طير درب الحزن بنصك بابه

يا طير قم وافرد على الجو جنحان

يا طير واصدح في سماك بصلابة

يا طير أنا بالحيل بالحيل فرحان

بعــوده أمــير الخـير يا مرحبا به

تباشروا بقدومه أصحاب واخوان

كلن يحــسب لـجيـّته فـي حـسابـه

الشــعب كـله دون قاصر ونـقـصان

كل الوطــن رحـب ولا هــي غرابه

على سـلامة طيّب الذكر والشــان

أمــيرنــا اللــي كــل عــالي رقــابه

له ميزه ٍ ماهي على فلان وفلان

ما خاب من هــو قابـــله واعتزا به

يشهد له التاريخ مع مر الأزمان

يشهــد لـــه الأجناب قــبل القـرابة

انه بفعل الطيب والمجد عنوان

كـــريم وأشــبه بــالكرم للسحــابة

إحسانه اللي عند كل الملا بان

يفـــزع لــكل مــحتــاج وكل الغلابة

مثل أبو خالد قلت ما يوجد إنسان

الطـــيب كنــّه لا بــسه مـــع ثيابه

تلقى العدل عـنده وللحق ميزان

يوفـــي لكـــل إنسان كامل نصابه

وعند الوغى يصمد على كل ميدان

وتــهابه العـــدوان وقت النـــشابة

حر ٍ ولد حرٍ ومن نسل حوران

يقود جيشه بين حــزم ومهابة

سيف ٍ شطير لمارد الإنس والجان

أهل الجهل والظلم وأهل الحرابة

عز الله انه في الصواديف مزبان

يا كم ليل (ن) معتم (ن) قد سرابه

أقولهــا يا مير في سر وإعلان

تعجز عن أوصافك حروف الكتابة

من لامني في حب سلطان غلطان

حبه سرى فالقلب واصبح شرابه

يا الله يا المعبود يا عالي الشان

أدعيك أنا يا رب ومنك الإجابة

تحفظ لنا بالخير والعز سلطان

وعســاه مـــا يطوّل علينا غيابه

أميرنا اللــي ما يــقدر بالأثمان

تشفيه يا رحمان من شي صابه

وتحفظ ديار المجد من كل خوان

الممـــلكة دار الــنبي والصــحابة
شعر / ضيف الله البدراني (أبووليد )

أبو ناصر صح بدنك ولا هنت يا الغالي

أسعدني مرورك

لك التحيه والتقدير