رصيد الغلا
وين انت ياللي جرحت القلب بوصافك = متى على الله تعود وتبري العله طول غيابك وخلك ضاق ماشافك = متى يشرَف جنابك حي هالطله كفى من الطيش والاحلام وأطيافك = تهيم وسط الحشاء والفكر تحتله تعال يازينها اطرافي على اطرافك = لك منزلٍ في حنايا القلب ماتمله نسهر سوا والظلام يغطي اكتافك = والنور يكفي جبينك نوَر الفله احتاج لك يابعد روحي ولا أعافك = حتى ولو كامل الاطراف منشله يكفيني الرمش والاهداب وأشفافك= والنظره اللي تغيث الجسم وتبله ياهيه مافيه داعي تحسب اجحافك = يجبر حبيبك على الهجران والزله تعال روحي معك والموت بنكافك = ليه الدلع والجفاء صارت لك اجبله ماتدري اني رهنت الروح لحلافك = وارخصت روحي لهم والكبد منغله والله يازين لوطولت باسرافك = مافلس رصيد الغلا والخل مع خله |
صح لسانك ياصنت وما احد يلومك
قصيدة عاطفية في منتهى الروعة والجمال لك فائق التحية والتقدير |
مبدع ياصنت
صح لسااانك |
الساعة الآن 01:56 PM. |
Powered by vBulletin® Version 3.7.1
Copyright ©2000 - 2024, Jelsoft Enterprises Ltd.
mamnoa 4.0 by DAHOM