مساكم الله بالخير
مثل تالي النهار اللي تقفاه ليل=والشبب تحت قصر الشمس متبعثري
يالله اني دخيلك يامنجي الدخيل=جعلني دايم المتهوم وانا البري
مايذل العزيز ولا يعز الذليل=كود مسرى الخطر في ليل ماينسري
حسبي الله على الظالم ونعم الوكيل=كل ماشفت طلة زينب العسكري
ياوجود وجود اللي عشق مستحيل=قلت وش تحتري وقال ويش احتري
قلت طرقي ومتغرب وعابر سبيل=والمصيبه برت بابعد حالي بري
والله اني من الوزن الثقيل الثقيل=مير بعض المواقف ماتذري ذري
مادري ويش احط ولا ادري ويش اشيل=مير اغني كذا يا لابس الغندري
زينب العسكري بي ام اخر مديل=ماركه عالميه تتعب المشتري
سلطان الهاجري...