الشاعر والشبل ابن الاسد فلاح بن صياف السحيمي
تمنى ان تنال استحسانكم وفلاح شاعر رائع يستحق المتابعه والتشجيع
فلاح بن صياف
على العز ياراشد نبى ناخذ الدور=أبلعب مع المري وبسمع كلامه
ليا غاب عنكم نور يطلع لكم نور= ولا للزعامه غير راع الزعامه
سعيد بن رحمه
تقدم ترى أصحابك لها أحساس وشعور=ومن دل دربه ما تجيه الملامه
تقوله لاكن قدامك بحور وبحور= تحرص لاشفت البحر زاد التطامه
فلاح بن صياف
أبا أخبرك بعلومي قبل تاصل اسبور =وكلن يابن رحمه تميز مقامه
بــ عبر البحر سباح ولا ببابور= وصلكم زعيماً كل بحر(ن) يعومه
سعيد بن رحمه
أدور عليك ايام وسنين وشهور= وقالوا فلاح بعيد مدري علامه
بعد طاح هالك السور من يبني السور = لعلك تعيد أبنايته بالسلامه
فلاح بن صياف
انا من صقور احرار من ماكر أصقور= وجالي على التاريخ وسم وعلامه
لاجاك الخبر بكره على الصحف منشور =تعرف الحقيقه قبل يوم القيامه
سعيد بن رحمه
الا يا ولد صياف ماحولك أقصور =لاكن الجمل سحمان جود خطامه
اليا كنت مثل ابوك ابصير مسرور= واذا ما حصل تدفع عليها غرامه
فلاح بن صياف
مدام الجمل شقران فى ظهره الكور= ليا طب فالمرباع يكبر سنامه
عسى من ذخرني منزله جنة الحور = ولايمسح التاريخ بصمة ابهامه
والمعذره انتهى الشريط
وتقبلوا تحياتي