هذه مشاركتي الجديدة وهي عبارة عن قصيدة للاخ العزيز بخيت مبارك بركي البدراني
ياليت ليه من عنى الوقت دكتور
ويعطيني علاج (ن) يخفف عليه
وليا اكلته راح همي على الفور
وليا قضى جبته من الصيدلية
ورتاح من هم (ن) بقلبي له شهور
اشايله والحمل هد المطيه
يصاحبي ياشينها عــلــة الزور
تجرح مع الانفاس روحة وجية
ماني بمن يمشي ورا العمي والعور
لا هي بلا مني ولا هي بلية
إلا نوايا الخبث في هرجة الزور
في نفس راعيها نوايا(ن) ردية
والله ماتعدي ولا اسمع بها شور
لحط له من بين الاظلاع كية
والله ما يسريبها النذل مسـرور
لعطيه لين انه يعاف الاذية
اثر الزمان يدور والعالــم ادور
وانا بمحلي والعرب شقلبية
احد(ن) بناله لجل غاياته جسور
وحدن مع النفاق نفسه ردية
ولاني على بعض المخاليق مجبور
لو اني قليل المال نفسي غنية
مشكور ياوقتي على الضيم مشكور
جازيتني في كل حسنه بسيه