اقتباس:
المشاركة الأصلية كتبت بواسطة عبيد موسى الفزاع البدراني
اتمنى ان تحوز هذه القصيدة المتواضعة على اعجابكم
واحب اشكر اخوي عبدالمطلوب على ترحيبه في
هب النسيم وساق سحبن مراديـم=وساقت هجوسي فوق قمة طخافـه
ماطاوعن قلبـي بكل المفاهيـم=عوبن يجرنـه بعنف وصلافه
حنن ضلوعي لين راحن محاطيـم=حطام عظمن ساطين به اهرافـه
سود الليالـي ماحيـات المراسيـم=لهن عليهـا ميلـتن وانحرافـه
اقفن بسمحـات الوجيـه المجاهيـم =وقلبي عليهن صاخـر الـود لافـه
لوف الهبايب للغصـون المهاشيـم=أبعد ثراه ولاهـب القيـض كافـه
لولاي ادله خاطري يالشغاميم =خطرن على قلبي يجيـه انجرافـه
تبرد هجوسي مع بـراد المواسيـم=والخير ساق بنجد واضفـى لحافـه
دفعت هرش مهدلات الخراطيم=يرتاح قلبي لو حصله كلافه
وانا على جيبن يفزز تقل ريم=قبل وصوله ماهر الصنع حافه
متساوي الأضلاع ما فيـه ترهيـم=مواخـر الأركـان فيهـا انعطافـه
لونه يشابه ضوح شمسن عقب ديم=شعاعهـا يعطيـك ذوق ولطـافـه
احدث ميديل لاشتغـل لـه ترانيـم=رهيم حصنن معطي الخيل شافه
وليا تعرض لـه شعافن مزاميم=تقول نمرن معتلن لـه زرافـه
وليا رثع له في عروقن مباريم=تقول مجنونن يشيله ازغافه
وامسيت في وسميتن من مقاديم=شرقي شمالي نجـد دون الشنافـه
ليا جا لنهضات المناكـب ترازيـم=ماقلـد أموالـن ببنـك الصـرافـه
والطيب وهبه والعطايا مقاسيـم=ترى طراة العمر ونـس وطرافـه
|
عبيد موسى الفزاع البدراني
صح لسانك وعلا شأنك وبيض الله وجهك
قصيدة رائعة روعة حضورك
لك فائق التحية والتقدير