السلام عليكم ورحمة الله وبركاته ..
هذه متواضعه نتمنى ان تروق لذائقتكم ..
انا بدوي من هامتي لين خفي=وانت بدوي وانسقت لك بالهوى سوق
نبى ندير دلالنا ونستشفي=وناخذ لنا في بحث الاسرار طاروق
العلم من عندي عليه مضفي=مقفله ما واق به كل مخلوق
وانت انتبه بعيونه ولا تخفي=اثقل وخل الهرج من بينا رموق
البارحه يومن مزنك يرفي=اخايله وانا القلم عنه معيوق
ماغير اشغل موتري ثم اطفي=الموتر اللي تنقلونه بمعلوق
والصاحب اللي في لزومي يكفي=في سابع النومه وانا ازريت لا اروق
جداي ادق الزور واصفق بكفي=على زمانن راح ماهو بملحوق
العلم ضيعته وولى وهفي=كله سبايب تبعت الطير والنوق
ادخل على الله ياغلا لا تقفي=عسى قدم رجلك على المجد من فوق