خبر عكر فؤادي وازعجه من دون شك وريب = رحيل اميرنا اللي له مواقيفٍ بطوليه
ومن هوله لساني والقلم والفكر ابى لا يجيب = صُدمت من المصيبة عاجز عن قول ما بيه
نهار السبت من هوله صغيرين السنين تشيب = تغيب نجوم مير النجم هذا ساطع ضيه
حكيم الراي قائــــــد للدفاع مورد الهييب = ولي لعهد قائدنا وعـــزٍ للسعوديه
رحمك الله يا سلطان .. سلطان الوفاء والطيب = سليل المجد ..سلطان الشجاعة و الفروسيه
سياسيٍ اذا إنه رسم رايه يصير مصيب = سند للي يبا الفزعه ..همومه ماهي شويه
تهل دموع شعب المملكة لأجل الفراق صعيب = فراق اللي كما نهر تدفق للبشر ميه
أياديه الكريمة وإن عطت تصخي يهل الجيب = كما ثعل المطر وإن هل بالدار السناويه
سألنا ربنا المعبود علام(ن) بعلم الغيب = يغفر ذنوب عبده عالم الحسنات والسيه
وسألناه الاله الواحد اللي طالبه ما يخيب = عساه بجنة الفردوس يدخل صافي النيه