بسم الله الرحمن الرحيم
السلام عليكم ورحمة الله وبركاته
هذه محاوره بين الشاعر معتق العياضي والشاعر فلاح صياف السحيمي في المدينه المنوره
معتق العياضي
مرحبا في حفل ربعي وربعي راس مـال*قلتهـا والـراس طايـل شايـش دونهـا
ياولـد صيـاف ماللحمـول الا الجمـال*لو تقـول ان الاعـادي كحلـت عيونهـا
فلاح السحيمي
البقا باللي يرحـب عـن ثقـات الرجـال*التحيـه واضحـه والعـرب يوحونـهـا
لايغرك كـل رجـال عنـده راس مـال*الذهب في جيوبهـا والعشـاء بصحونهـا
معتق العياضي
الخميني في قنـاة الجزيـره ويـش قـال*قال كلمه عـوف مـن حيـد مايبغونهـا
اشتروهـا بالجنيـه اشتروهـا بالريـال*ميـر قيمتهـا تسـومـون ماتصلونـهـا
فلاح السحيمي
والله انـا ماسمعنـا ولاجـالـه مـجـال*مير لـن دارت راحنـا تزيـن طحونهـا
لاعرفت الفـرق بيـن الخفيفـه والثقـال*ماتهـد بيوتنـا اللـي جـواد ركونـهـا
معتق العياضي
شكلك حجازي وصدرك من صدور الشمال*مير انا اعرف طاعن القوم من مطعونهـا
مستعد اقف واكرمك فـي حفـل اعتـزال*بس تتـرك حـب ليلـى وأنـا مجنونهـا
فلاح السحيمي
يالعياضي مايجيك الجـواب بـلا سـوال*خلهـا بيـنـي وبيـنـك ولاتطرونـهـا
كد فرضنا يالعياضـي عليهـا الاحتـلال*دونهـا شهـب الذيابـه تحـد سنونـهـا
معتق العياضي
ويش اسوي فيك مـادام ماتمشـي عـدال*راكبلـك كامـري مـاسـح طبلونـهـا
انتهى عصر النصر وابتدى عصر الهلال*النصـر عنـده شيـوخ كبـار بطونهـا
فلاح السحيمي
شان طبعك يالعياضـي وميلـت العقـال*الله الله يـاوعـول تـحــد قـرونـهـا
انت بشرت بمطر وانت ماشفـت الخيـال*ماتهـل مزونهـا قـدم بـرق مزونـهـا