بسم الله الرحمن الرحيم
السلام عليكم ورحمة الله وبركاته
هذه مشاركة الاخ الغالي
فهد مبارك عابد البدراني
في ( فرحة وطن ) يسرني أن أنقلها لكم
لا والله الا بأكتب الشعر لو كان=ماني من اللي غاص فيه ويجيده
دعاني الهاجوس والشيخ بإعلان=في منتدى أهل الخصال الحميده
شيخ ٍ على قمة جبل ثابت أركان=زيــزوم وابن قـــروم الله يزيده
محمد اللي له فعــايل و له شـان=بالمرجــله والطيب زايد رصيده
وده نشارك بالقصـــايد والالحان=ونجسد الاحساس بأجمل قصيده
في عودة الشهم الملك طير حوران=في غيبته عـــز الله أكبر فقيده
الحمد لله أنعــــم بشــــوفته ثـــان=زال المرض يا رب لا لا تعيده
من مثل أبو متعب على مر الازمان=حكيم راي وله مــزايا فريده
طيبه وهيبه عادل بكل الاحــــيان=كريم وابن كرام ما تبخل إيده
إحسان لكنه على صورة إنسان=يُعجب به الصاحب ويعجب ضديده
بركان لامن ثار لاشك بركان=من دون شــعبه دافــــع ٍ للمكيده
قلبه وطن للشعب من دون الاوطان=وعقله بهم مشغول هُم في وريده
ملك ملك منصى لمن ظيم مزبان=ملك ملك قـــــدم مكارم عديده
خيره يسابق مقدمه يمحي أحزان=وإذا عطى شـــعبه فلا هي جديده
مداته أصدق من عطايا أبو حان=يعطي ولا فــكــر يمد الزهيده
في ظل حكمه ننعم بخير وأمان=لا شــك ننعم بالحياة الرغيده
وجــوده بحــياتنا خير برهــان=إن الحــياة بخير ما هي نكيده
هذا الوطن في مقدمه حيل فرحان=فرحة وطن متمسك ٍ به يريده
قرة عيون بشوفته والفرح بان=بوجيه شـعبه و المشاعر سـعيده
قلته و انا من لابه أحرار شجعان=قوم ٍ لنا تاريخ و أرياء سديده
بدران و اتنومس إذا قيل بدران=من حرب راعين العزوم الشديده
نخلص لقادتنا شباب ٍ وشيبان=من بيننا تبقى العلاقه وطيده
فهد مبارك عابد البدراني
.