بسم الله الرحمن الرحيم
عسى السحاب اللي مع الصبح ينقـاد
الــلــي مـن المنـشـى تـزبــر مــزونــه
يـــنـــشـي ويـرفــالـــه ببــارق ورعـــاد
وعلى عطـا وعـطـي يـرخـي غـشـونـه
يــــأخــذ ثـمـان أيـــــام ولـيـا نـقـص زاد
لـيـن العـريــق يــمـيـل المــاء مـتـونـــه
سيل(ن) تـذيــع ابــه الـروادي والارصاد
لــــكــن بـالـمـكــروه مــــــا يـذكـــرونـه
يــــا قـــف ثــلاث أيام والـيـا قضن عــاد
ولا يـنــتـهـي ليـــن الـنـفـل يــورحـونـه
وليا أشتــبـك روس الـنـفـل و الورق زاد
دون الفيـاض اهـل الـدبـش يـقـهـرونــه
ما يــقـهــرونـه خـوف مـبـغـض وحـساد
خــوفـآ من الـشـبـعـه تــبقـر بـطـونــــه
يـــــرجــع لــه الـله عـقـب ماذاق جـلاد
وراعيـــه تبــرا عــقــب غـلـــه غـبـونــه
ووقتآ قضوه مـع العـلـف حــرب وجــهـاد
واحــــــيـــــان يـــلـقـــونــه ولا يقدرونـه
تبــــــدل أيــام الــعــســر يـسـر واعيـاد
وكــل(ن) يـمـتــع فــي خـضـاره عيـونـه
وتحـل فـيــه الــبـدو مــن كــــل الابــداد
واشــهــور يــرعـــونـــه ولايــنــقـصـونــه
الشاعر / حمود البدراني