بسم الله الرحمن الرحيم
الله اكبر ياسحاب ضاع ظلي وسط ظله
لين عتم ودلهم وراح جوي وسط جوه
لويهلهل من هماليله يزيد الطين بله
الوكاد الهم يغسل جرته ويكف نوه
هم اثقل كاهلي حتى اعتبروجهي محله
كل ما قلنا تلاشا قال تو الهم توه
لاسعاده لاوناسه لين صارالهم عله
مايفارقني ثواني صدق ماعنده مروه
طال صبري ضاق صدري وش بقا سيفه يسله
حط حره في صديقه لجل مايقدر عدوه
لايجي في بالك امشي في طواريق المذله
الليالي علمتنا كيف تاخذك الجروه
كم تحملنا على شانك من الانذال زله
غو غيري في طريق التهلكه بلحيل غوه
ماتغير لاعزوم ولا سلوم ولا جبله
اركب اعلى ماب خيلك سو ما تقواه سوه
وان نخيتك يا خوي الجنب دل الدرب دله
كان ماتقدر على الميقاف ؤش معنى الاخوه
الله الاتك تقدم باالنوايا المستهله
والضمير الحي يشعم مع طلوع النور ضوه
قوم تكفى يا لعله يبرد الملهود غله
والله ان اليوم يومك كان جا بتك الحموه
الشاعر
عبدالله بن سالم البدراني