[محمد ابراهيم البدراني]

هذه القصيدة للشاعر علوش بن ظويهر , امير الغضاورة , من عنزه , اولاد سليمان , في محمد ابا الروس الذويبي وبعض من فرسان حرب الذين ذكرهم بالقصيدة الاتية :

يا ابن الذويبي يارفيع الحمائل
لاهنت يازبن الهـليب المتـله

ان جا نهار بين صايل وجايل
والكل سيفه من جفـيـره يشله

يوم يخوف به رجيـف الاصايـل
وتبـيـنـت بالقـوم ريبة وذله

والدم من ضرب المزاريج سايـل
والسيف هامات الجماجم عشى له

كم راس فـرز من علابـيه مايـل
من كف شغـموم بشلـفه شـله

يـادرع من صكت عليه الدبايـل
ياملحقـه مابـيـن قوم مفـله

ياحامي المظهور يوم الهوايل
يوم به الديان ياخذ قـضى له

حلياك حر مـايـصيد الهزايل
سو على الخرب المطرف شله

يا معجب بالـسوم راع العدايـل
وانجن من المنكاف مثل الاهله

من لابه اهل الفعول الجزايـل
والطيـب يظهر والفعايـل مدله

ربعك حرب كعام من كان عايل
بني عمر لاطيرن الاجله

صنيتان وبلعيس وافي الخصايل
ورباح وضاحي عز من فزعتله

نعم بكم ياحرب فخوذ وقبائـل
ومن حدكم حلو الكرى ماحصله


* الاشخاص الذى ذكرهم هم
1-صنيتان بن ناصر من الطرسان
2-بلعيس بن نجاء من الطرسان
3- رباح بن غليفص من البدارين
4- ضاحي العفيش من الحوامظة