عرض مشاركة واحدة
قديم 28-12-2011, 09:51 PM   #19
معلومات العضو
افتراضي

اولاً حياك الله في منتداك وبين ربعك
ثانياً شكراً للمبدع خالد فراج البدراني على عمل القاءات
بين ابناء القبيله
ثالثاً ااتمنى الاجابه على الاسئله والعذر على الاطاله .

س - هل لعبت المحاوره , ومع من ؟ وهل تذكر لنا بعض من الطواريق ؟
لعبت عن طريق المنتديات فقط لعبت كثير جدا مع اغلب الشعر شلاح مرزوق

بعد ما دعاني طيب الساس عبدالله وجيـت= سلامي عليكم ياهل الطيب وقرب ياصنـت
وش اللي حصل يوم المجانين جونا كمبليت=هل الطيب تبني والمجانين تهـدم مابنـت
= صنت البدراني
بعد مادعاك الذيب سلم علـي وغـن بيـت=هلا مرحبا حييت يوم العـرب يمـي عنـت
زمانن يدور ودورتـه تختلـف ولا دريـت=وناس(ن) على التوحيد وعقول باقي ماذهنت
= شلاح مرزوق
شكينا وجتنا من قريب وانا توي بديـت=مالوم الهجوس ان كانها ياعميلي هونت
ولاكن شد الحيل وكرب حزامك لاغزيت=وناضر بعينك وسر مسرا الذيابه لاسرت
= صنت البدراني
شكيتم بلا عله وجاتك على اللي ما هقيت=ولايشره الدكتور من علتن لا مـن بلـت
توصي وانا خابرك ساكن وراء جبل حليت=ولا بان راسك لين شفت الرجاجيل اغفلت
= شلاح مرزوق
على وين ياللي فاليالي سريت بدون ليت = وانا والله اني خابرك مير يالصاحب جرت
نبا ناخذ شويه ونمشي معك ممشا الونيت=ولاكن والله مانوقـف معـك لابنشـرت
= صنت البدراني
تهيت لك الدنيا من الاوله يومـك نجيـت=ولاادري عن اللي صار بالفعل والدنيا فنت
ابا اعطيك فرصة بالخيارات دمنك شقيت=ولاتكسي الاشجار بالباس والعالـم درت
=شلاح مرزوق
لابالله ماني عاذرك دام عذرك مادريـت=لياصرت تجهل لاتجي فالشعاب الياجرت
لياقيل صح السان غيرك وقالولك عليت=تقرب من الشجره وكل صمغها لاصمغت
=صنت البدراني
لاوالله ماني صوب الاعذار والموقف مميت=انا ذيب بالمرقاب عاوي وعدواني هبـت
ليا قيل صح لسان راع الوفاء مثله خذيت=وابا اعطيك عود براسه النار تحرق مالقت
=شلاح مرزوق
ترقيت فوق كفوف الاجواد حتى انك رقيت=وحطيت نفسك ذيب بين الذيابه لاعـوت
توقع تراك الهندي اللي بضهر البسكليت=يابو عود لاجتك المدافع تجـود وانفلـت
=صنت البدراني
عسا الله يجزي من عطاك الفشق بعده رميت=ولبسك بشت وصرت مثل البشر يوم البست
تكلم تراك الراعي اللي ضوى يومك رعيـت=ولاتشغل شيوخ البلد بالحكم بعـد انقضـت

سلام يا أهل المنتدى والسمن يقفاه السمين=واللي حضر في ليلةٍ تبدي علينا نجومها
أنا قريت من الكتب منها رياض الصالحين=وبعض الكتب ماسرنّي لو هي كثير علومها
=صنت البدراني
يامرحبا باسم الرجال اللي لهم قدرٍ ثمين = والله يبارك بالرجال اللي تعز اسلومها
اليا قريت من الكتب خلك على تقوى ودين= واحرص على اللي نفعها في ليلها مع يومها
=عيد الصواط
الذيب ما يمشي على جرتك يا ذرب اليمين=يمشي على درب المنايا لو تزيد سهومهـا
اسهيل لامنه بدى000 لابد خافيهـا يبيـن=ياللي رسمت النا الرساله واضحه برسومها
=صنت البدراني
الذيب له عزمٍ قوي والذيب له عقـلٍ فطيـن= يرقى على راس الطويله ما يهاب ارجومهـا
النور جلاي الظلام ياهل الطروش السارحين=ياكاتبيـن احروفهـا لاتجهلـون ارقومهـا
=عيد الصواط
اللي يحسبن السوالف ملحها مثل الطحين=غرته بقعـا والبلا مردوم تحـت كمومها
يا صاحبي ما شي على الطرقه ولي قلبٍ وعين=وليا اعترضك الذود شوف الوسم فوق خشومها
=صنت البدراني
هذاك مثل الجاهل اللي غرته بيض السنين=بنت الهوى تضحك معه وتكفنه بهدومها
وانا ثابت مثل الجبل راسي ولايمكن يلين=واليالقيت الهامل القشرى ترى ما سومها
=عيد الصواط
لا والله إلا ماغزى في معركة بدر وحنين=يوم المعارك ودها ب/اللي يسد لزومهـا
اليا كسرنا قرنها ما تدحم الضلع المتيـن=وليا امطرت يرضيك يارجال سيل غيومها
=صنت البدراني
الحضرمي عايش على حلبه وقات وخبزتين=واليا تطور حط له بسطه وجـاك يزومهـا
الله يكافينا البـلاء والمشكلـه يا مسلميـن=الناس تال الوقت تلقى اهموم غير اهمومها
=عيد الصواط
يالحربي انته من رجالٍ تنقل السيف السنين=والقوم ما ترهبك لو زاد العدا ف/خصومها
أنا لقيت أن الأمام بدون سجده ف/الجبين=لاكن لو صلى يزيد الخير في مقسومها
=صنت البدراني
وانته من اللي فعلهم ياصل لنجم الفرقدين= وبعض الطيور تحوم لكن ماعطاها حومها
يمكن يصلي لاجل تعظيم الحسن والا الحسين= والخير في تجنيبها والجهل في مامومها
=عيد الصواط
انته تلقيت السفر ما بين هند وبين صين=وش رايك السودان تقضي يوم في خرطومها
لاكن انا حاربت يومني غزيت الجبهتين=وضربت رأس الحيه اللي ماغشتني سمومها
=صنت البدراني
انا سفير المرجله لاتبخسون الكفتين=وش رايك الصومال تجني خيرها اومطعومها
لاتامنون النار ياللي بالعباده مسرفين= ياعيد وان صمت رمضان الناس تمت صومها
=عيد الصواط
الذيب لو إنه عوى ما هاب ضرب المارتين=له منزلٍ فوق الجبال النايفات يرومها
يالحربي الله يجعلك ضمن العباد المهتدين=ولا تجيلك ضربةٍ تحرم عيونك نومها
=صنت البدراني
ترى الحرار الشقر تفرق ياعساكم سالمين= لاتجعلون الحر الاشقر بالمزايا بومها
ياسواط ياسواط العرب الناس مثلك خابرين = بعض الدعاوي موت اهلها مع حلول اقدومها
=عيد الصواط
ترى المثل معروف ما دون الحلوق إلا اليدين=وانا زعيم القريه الخضراء وانا زيزومها
شعيل وسمه ما اختلف حلقه وعليها مطرقين=والحمل فوقه يتعبه لاهبّ قيض سمومها
=صنت البدراني
قال المثل ياهل المثل مايصدق الا الصاملين= وانا وريث المجد واهل الدوم تطبخ دومها
اشعيل لامنه هدر بعض الجمال الها حنين= ماضاق من عوج الرقاب اللي سرت بشحومها
=عيد الصواط
تبغى العلوم الغانمه عند الرجـال الغانمييـن=وانته تلقيت البشـر واكلـت كـل لحومهـا
انا سريت مع الخلا وأثره ماغير ابا الحصين=وانته ترى لك قومةٍ تتعبـك يـوم تقومهـا
=صنت البدراني
ياحبـنـا للطيـبـه ياحـبـنـا للطيـبـيـن=واهل الزلاقم سرهـا يالربـع فـي زلقومهـا
انته سريت مع الخلاء واثرك على الهجه ذهين=يامطيبـك ياصاحبـي لـو البحـور تعومهـا



س - من لفت انتباهك من شعراء القبيله .؟
اغلبهم مميزين ويستحقون الاعجاب والتشجيع وعذرني عن ذكر الاسماءس- مارائك في فكرة اللقاءات مع شعراء البدارين ؟
فكره رائعه جدا ويشكر القائمين عليهاس - هل يوجد بينك وبين احد عمالقه الشعر مجارات ؟
فيه مساجلات بيني وبين شعراء ولكن ليس من المعروفين على الساحه
س - المتابع للشاعر صنت يجد قصايد الكتابيه فقط في الكثير من المنتديات
اين شاعرنا من الشيلات اوالقصائد الصوتيه

نعم جميع قصائدي بالمنتديات لظروف عملي وعدم حرصي على الصوتيات بالنسبه للشيلات هناك قصائد لي تم انشادها في قناة صوت البادية.. وتم انشاد قصيدة جرحي اللي كل ماقلت داويته.. بصوت الشاعر القطري العلم عبدالهادي المسعودي وسوف انزلها بالمنتدى عن قريب







صنت البدراني غير متواجد حالياً   رد مع اقتباس