بعض المجالس مالنا فيه حاجه =
كـــــلٍ على جهازه ولو عنــــده رجال
وبعض المجالس غير كثرة لجاجه=
ترديد هرج وضحك وصراخ وهبال
مجالسٍ ماغير كــــذب وسماجه=
ناسٍ تجيب القـــــول يالـــو ما ينقال
أخير منها خالق الكون ناجه =
بالذكر وأبعـــــد عن مجالسة الانـــــذال
ماكل رجال مزاجي مزاجه =
وياكثــــر والله من لبس بشــــت وعقال
كل على كيفه ويعرف خراجه =
جالس رجال الدين ياطيــب الفــــــال
تدرك سلوكك كان فيه اعوجاجه=
مجالس اهــل العلم يشرح لك البال
الادمي بالعلم يلقى ابتهاجـــه=
المعرفــــه تسعدك في كل الاحــــوال