حي هاالعين والخدين والشفه
وحي خشم سوات السيف منسلي
وحي وجه كساه الزين والعفه
الوسامه تغطي شكله الكلي
وش بقا ما بقا الا الدم والخفه
والجدايل على الامتان تنهلي
تفتر العنق والامتان والدفه
لونها من ظلام الليل و الظلي
مايصيطر عليها الشال واللفه
يا عذابي يا ريح الكاد والفلي
في وطنا وكنه من ورى الضفه
ما اقدر اجييه لين الوضع ينحلي
حال من دون يوم العيد والزفه
راعي الجمس والفيكسار والهلي
جعله يهف والهفه هي الهفه
بعد ماشفت منه الضلم والغلي