اقتباس:
المشاركة الأصلية كتبت بواسطة ابن شنوت
رحنا نشوف الربيـع اللـي كسـى جـوده
في ديـرة اهـل الصخـا مـره وعجمانـي
ارضـن عذيـه ونبتـن ماانصـرم عـوده
ريـح الخزامـى يعالـج كـل مرضـانـي
علـى الشـرف مامشيـت بطـرق منقـوده
امشـي لحـالـي وأدور نـجـع عتبـانـي
شفنـا بيوتـن بعـال الـحـزم مشـيـوده
منهولـه النـزل قالـوا نــزل بـدرانـي
تـراه يعـرف وكــلآ دايــم يــروده
ميـر انشـده يمكـن انـه يقصـر العانـي
جيتـه وسلمـت والترحـيـب مــردوده
قال ((المسى)) ..قلت ((انا طرقي وعجلاني))
قال ((انت حـول وكلـش نطلـق عقـوده))
وانـت المعـزب وحنـا حسـاب ضيفانـي
بشاشـت الوجـه سيمـا فـيـه معـهـوده
وهبه من الله ماهـي مـن عنـد الانسانـي
ابـو بـدر سيرتـه تعـرف ومحـمـوده
اللـي ضيوفـه قـراهـا روس قعـدانـي
بيـت الشعـر سامكـه والـزل مـمـدوده
والنـار تسـرج عليـهـا دلال رسـلانـي
لـه مجلسـن عامـرن بالطيـب ووفـوده
نــوادر رجــال شبـانـن وشيبـانـي
ومجالـس اهـل التقـى بالخيـر موعـوده
ريـاض جنـه ورحمـه بامـر رحمانـي
دارة سوالـف وكلـن جــاب مجـهـوده
وتصـدر الحـثـل للمجـلـس ونـادانـي
واختـرت درة بحـر تعـرف ومشـهـوده
شيخـة قصيـد الحويفـي طيـر حورانـي
اسطـورة الشعـر مسكـن خالطـه عـوده
لوحـة تثيـر المشاعـر قبـل الاشجـانـي
معها تفاعل عريـب السـاس مـن جـوده
ورمـى ببشتـه جزيـل المـد مـن شانـي
رمـى ببشتـه محمـد فـاخـر الـجـوده
بشتـن عـن البـرد بالصـمـان دفـانـي
حـرآ قطامـي معـرب تـقـدح زنــوده
والطيب ماهـو غريـب بـذرب الايمانـي
وكـلام شيـخ الجهامـه راعـي الــزوده
نهـار فـازع يقـود الـغـزو حدمـانـي
ارماحكـم يـاهـل الـعـادات مـحـدوده
تعينـوا لـه خــذا المـهـره وخـلانـي
جهـز نخاهـم ونـال الشيـخ مقـصـوده
جتـه العبيـه عليهـا ســرج وعنـانـي
واللـي ركبهـا تعشـى الذيـب بعضـوده
بالسيـف جـزوا رقبتـه حـد الامتـانـي
ماهـو ردي فارسـن مـغـوار يـاكـوده
والدعـوه اللـي رمتبـه بيـن فرسـانـي
دعوة جهز فـي بطـون الكتـب موجـوده
يتخـى الدهاليـس والبيضـان مـن دانـي
نماذجـن مـن فعايـل حــرب مـاكـوده
ولاخترت وحده تبـى تكفـي عـن الثانـي
اذكـر مفاخـر واجيـب العلـم بشـهـوده
ولاخير فـي كلمتـن مـن غيـر برهانـي
يـوم القدايـم وكـلـن حـامـن عــدوده
واليوم بارض الوطـن صدقـان واخوانـي
عاداتنـا ماتـعـدى الـشـرع وحــدوده
ونعتـز بالـديـن والسـنـه والايمـانـي
والفايـز اللـي مطيعـن لامـر معـبـوده
ودنيـاك تفنـى وكـل اللـي بهـا فـانـي
اعمالـنـا قدمـنـا بالـلـوح مـرصـوده
ماضـاع مثقـال ذره شــر وحسـانـي
وصلوا عدد مايميـل الغصـن مـع نـوده
والطيـب ماهـو غريـب بكـل بـدرانـي
ابو عبدالله بكل صراحه يعجز اللسان عن وصف
مافي القلب من التقدير والاحترام لشخصك الكريم
مشكور يالطيب على كل الاحـوال
يامحمد المحسـن كريـم السبالـي
مني لك البيضا على راس ماطـال
تقدير يامحمـد حميـد الخصالـي
فيـك الحمـوه والثقافـه ورجـال
يحسب حسابك من زحول الرجالي
لك مع نوادر حرب ماقف ومنزال
لعـل يفدونـك جميـع السفـالـي
بالمحفل اللي صار شاركت الابطال
باللايقـه اللـي مستواهـا مثالـي
تستاهـل التقديريـاذرب الافعـال
الله يمتـع بـك سنينـن طوالـي
شجعت ربعك بالفعايـل والاقـوال
وهاذي عوايد كل رجلـن مثالـي
وصح لسانك يابو عبدالله على القصيده
وصح لسان شاعر المقناص بدر الحويفي الله يعطيه الصحه والعافيه
وصح لسان الشاعر محمد بن غازي المرشدي العتيبي وبيض الله وجهه
وماهي غريبه على عتيبه الهيلا ومواقفهم المشرفه مع ربعهم حرب
وماقول الا الله يكثر من امثالك
وتقبل تحياتي,,,,,,,,,,,,
|
اشكرك من الاعماق على هذه المداخله اللتي اعتز بها انت وافي ولك معزه خاصه ووجودك هنا شرف لي
لم اقم الابواجبي ويستاهلون الرجال وماعليك زود
بيض الله وجهك ولك شكري على هذا المرور العطر
الف تحيه