[اللهبي]

مراهيش نوك ماتبل الورق يــــــــــــــاهن = لها اليوم تاسع يوم تبرق ولا ســــــــــالت
يقولون لاضاقت عليك الوسيعة غــــــــــن = وانا اقول شفت مقرد الخلق وش قالـــــت
انا البارحة من يوم غابت اليـــــــــــــن اذن = تحلوى عيوني للكرى مير ما احتـــــــــالت
يثوع النعاس من ارمد الجفن يوم تعــــــــن = سراميد غيظ با لحشاء حبلها فــــــــــــالت
ماغير اتدرق بسمر الليل لالــــــــــــــــــجن = هجوس تخطرت هيبة الجرح واختالت
هجوس ليا قامت تكرب وقمــــــــــــــت اون = تصرم معاليق الحـــــــــــــــــــــنايا ليا انهالت
ذلول الهجاد اللي نبت في جمـــــــــاها سن = من العام تثعى في ضلوعي ولازالــــــــــــت
حلال الذهاب اللي استشاطت لبسها جــــن = ياكيف اتجود في ظهرها ليامالـــــــــــــــــت
وانا يوم امس ابطانها ما على مــــــــــــــــن = يدين الهوان ان حطت اللوم وان شالـــــــــت
ابازم نفسي عن طمان هــــــــــــــواه مصن = واعدى لجفني وارقب العيـــــــــن وش خالت
عليها الملام ولاعلية الســـــــــــــــــلام ابدن = يدين تبي قصرت ايديني ولا طالــــــــــــــت
بعد مانفضت غبار صدري ولد ياهـــــــــــــن = بعد ماروت روحي من الغيض واكتالـــــــــت
يقولون لي ضاقت عليك الوسيـــــــــــعة غن = وانا اقول شفت مقرد الخلق وش قـــــــــالت

مساعد الرشيدي