هذه المحاورة بين الشاعرين: فهاد الرشيدي ورجا الله المحمدي رحمه الله:
فهاد:
الا يا رجالله الرجاء من وليٍ معتلي= عسى الله يحييكم ويبقي الرجال اهل الكرم
انا اسمع علومك مع جهينة ومع حرب وبلي=ودايم علومك ترفع الراس وتزيل الضرم
رجاالله:
على الله على الله ياصدور تغيض وتمتلي= عسى الله يبارك فيك وبكل شاعر محترم
توكل على الله واتبع الشافعي والحنبلي=ولا من قريت اتحج وتعرف بيبان الحرم
فهاد:
ترى الوقت له شدة وصفقة شوي وتنجلي=إلى قاوم المسلم على حق ما يردي العزم
انا أبا سألك وشلون ثاني بفرق الأولي=عسى حالته في خير ياقف على ساق وقدم
رجاالله:
انا في علوم الوقت دكتور ماني صيدلي=اعرف العرب وعلومهم بس ما عرف العجم
انا اقول نعمٍ في حصاني ونعم بجملي=غزيت النصارى في بلدها وحطمت الصنم
فهاد:
عرفت الحقيقة ليش غيرتها يابو علي= تبيها حرافه مير ما يصير شي من عدم
ياليته صحيح العلم واذبح لك بعير وطلي= ولكن خيال وحلم ماصح حلم اللي حلم
رجاالله:
انا كيف اغير بالحقايق وكل الحق لي= حرامٍ عليّ اصافح الراس وأحب الخشم
يافهاد لا كذبت نشّد خليف العبدلي= يعلمك راع البل والخيل ياراع الغنم
فهاد:
إلى شفت قدرك قام من حامي النار يغلي= يمين عليّ اني لحزمك بهالمعنى حزم
بليتم خليف الله يعين الصبور المبتلي= ومبدا السوالف كلها منك ياراع السلم
رجاالله:
عليك وعليّه من هلي يا الرشيدي من هلي= لقول لك لا تسعين مره ولا أقل لك نعم
تلوّم على الحربي بشره وشرك داخلي=سواليفكم والنعم وقلوبكم ما من نعم