18-06-2008, 06:56 PM | #1 | ||
سلوم الاجداد
سلوم الاجداد
بديت باللي كلنا نلتجي له = اللي له أهل الدين ركع وسجاد هو الذي ينشي سحاب المخيله = والمزن يجعل فيه بارق ورعاد ينوض براقه ويشعل شعيله = ويهل هماله على جبال ووهاد يسقي الديار الميتات المحيله = وتخضّر الأرض وطيب العشب ينقاد يا ماحلا وان كان رحنا تعليله= مع صفوة من خيرة الربع ياعماد ويا ما حلا وان شبت النار ليله = وجمر الغضاء فيها يتوقد توقاد ومد الفراش بوسط نبت الخميله =والدلتين وجنبهن حط براد الكيف نطرب فيه بنّه وهيله = كيف يقلط للرجاجيل بقناد مصلحينه كاسبين الفضيله = ومنقدينه قبل يأتيه نقاد واذا رجعنا بالبيوت الظليله = جمع الجماعة يسعد (ن)قلبي إسعاد قالوا علامك تعتزي بالقبيله = الجاهلية انتهت يابن الاجواد قلت الجهل باللي مضيع دليله = اللي يبينا نترك سلوم الأجداد وشلون ننسى كاسبين النفيله = اللي لهم تاريخ حافل بالأمجاد تاريخهم يشهد بفعل الجميله = وعلومهم يطرب لها كل نشاد صدق وشجاعة والعلوم الجزيله = وبيوتهم للضيف صادر و وراد اللي يرون السيوف الصقيله = في ساعة فيها أشقر الدم يزداد واليوم جاء وقت علينا حفيله = جتنا ثقافة غرب مليانة أحقاد تبي تغير ها لخصال الاصيله = اللي كسبناها من رجال اجياد حرية فيها استراح الهبيله = وإلا الرجال العاقلة همها زاد حرية تدعو لفعل الرذيله = وتحارب أهل الدين ورجال الإرشاد الشاعر : عبد المطلوب مبارك البد راني
|
|||
20-06-2008, 04:14 PM | #2 | ||
الاخ ابو ناصر
|
|||
21-06-2008, 01:45 PM | #3 | ||
|
|||
22-07-2008, 11:07 PM | #4 |
الاخ ابو ناصر |
|
23-07-2008, 01:28 AM | #5 | ||
وشـلـون نـنـسـى كاسـبـيـن النفـيـلـه الـلـي لـهـم تـاريـخ حـافـل بالأمـجـاد تاريـخـهـم يـشـهـد بـفـعـل الجمـيـلـه وعلومـهـم يـطـرب لـهـا كــل نـشــاد صـدق وشجاعـة والعـلـوم الجزيـلـه وبيوتـهـم للـضـيـف صـــادر و وراد صح لسانك اخي ابوناصر قصيدة جزلة من شاعر جزل والله يعطيك العافية ولك الود
|
|||
الذين يشاهدون محتوى الموضوع الآن : 1 ( الأعضاء 0 والزوار 1) | |
|
|