الاخوة الاعزاء
هذه مساجلة بسيطه بيني وبين ابو ياسر الشاعر منور فضي المعمري
امل ان تحوز على رضاكم واستحسانكم /
البداية من عندي :
عزاه يا قلب تقطع من اقصاه = سبة غنوج الغيد ضبي الفياضي
غرو يابو ياسر انا وانت شفناه=بالرحلة اللي رايحه للرياضي
الجادل اللي كنها سهوم عيناه = سود مضاليل وساع عراضي
والعود عود الموز مثله وحلياه = وجبينه اللي كنه البرق ناضي
انشهد ان الخالق العدل حلاه = والزين وهبه ما عليه اعتراضي
وهذا الرد من ابو ياسر /
لا باس ياقلباً يبوح المعاناه =يوم ا رتفع بين السماء والاراضي
بعد ارتفع فوق البيوت المبناه = والجو بين الضغط والانخفاضي
شاف الذي ماطب بالسوق حلياه = في وقتنا هذا وفي وقت ماضي
اليا مشى في مشيته يقصر خطاه = ما تقل كامل سنه الافتراضي
بيت الوضيحي في قصيده ذكرناه = جدد جروح العود والعود قاضي
قعد يواصل رحلته ويتبناه = حتى وصل للعاصمة بحتفاضي
راح المطار وروحة مقيط ورشاه = لاني بزعلان (ن) ولاني براضي
وختامها ياطيب الاصل والجاه = الضاميه تارد على كل حاضي
لكم تحيتي وتقديري