في راءعة من روائع الشاعر سلطان الهاجري
هذي القصيدة اضعها بين ايديكم
اثرك جالك بطين ونبت لك صرة = يومني ازهم عليك ولا تحاكيني
ورثت ورث العجوز وجيت مجتره = وصنفت نفسك من اصحاب الملاييني
بالله بانشدك كم مرةوكم مرة= يجفونك اقرب بني عمك وتاتيني
تشكي من الفقر وتعاني من الحرة=وقوم واقسم معاشي بينك وبيني
واليوم تركب علي المرسدس وتفرة=كانك حفيد الائمه والسلاطيني
لوك بدل الامريكي عالم الذرة= يمديك اكلت الزولي والبطاطيني
يعطيك من خيرة ويكفيك من شرة =عقب التاكسي عقب الفقر والديني
ان كان نفسك من المليون منغرة= تراك خسران في الدنيا وفي الديني
الله هو اللي يسر العبد ويضرة= واللي انت اربع حروف بين( قوسيني )
تراك مازلت تتبعنا علي الجرة=من عاد حنا علي ظهور البعاريني
قوماَ ايدينا تحوش المال وتثرة=علي بيوت الارامل والمساكيني
لو نملك الكون من بحرة الي برة=مانمتلك به عمارات ودكاكيني
وانا كان نفسك من المليون منغرة= يكفيك وانا بياض الوجه يكفيني