جاني خبر يا فهد سبب لي إزعاجي . . .
الناس نامت وقلبي زادت جراحــــه
قامت تلاطم هجوسي مثل الامواجي. . .
يوم الاوادم من الهاجوس مرتاحه
كني بظلماء دجاء ومطفي سراجي. . .
طير الفرح ما يطير مكسّر جناحــه
ووجد حالي يا خالد ولــــد فراجــي. . .
عساه في جنــــة بالطيب فواحـــــه
واخوه وأبنه عسى في عال الابراجي. . .
في جنة الخلد رجل زادت امداحه
ويا الله يا ربنــــا يا وال الافراجــــــي. . .
تجبر عزاء الشايب اللي زادت اتراحه
وتجبر عــــزانا يا ملجا كل محتاجـــي. . .
يا ملهم نـــوح يصنع فلك سباحـــــه
وتغفر لهم يا عليم بكـــل منهاجــــي . . .
والمبتلى يا الله اجعل صبره سلاحه