بسم الله الرحمن الرحيم
السلام عليكم ورحمة الله وبركاته لن اطيل عليكم اليكم هذه القصيدة
ياعيال ياللي تفهمون الوصاتي=وصية اللي جرب الوقت تجريب
جربت من سود الليال إفتخاتي=مع كثرهن من بيض الأيام تقريب
ياكثر مامارست انا في حياتي=وكم ليلة يمرض بها الحظ ويطيب
وكم ليلة راحت عليه فواتي=وانا بغفلة تطلع الشمس وتغيب
وتغيب ثم تطلع وانا بلهواتي=ماذخر لباكر كود مايذخر الذيب
ماحيً الا مقتفيه المماتي=ولاشبً الا بعده العجز والشيب
لابد ماتقفي ليال الحياتي =أمرض واطيب وبعده أمرض ولاأطيب
خلاّن للساقه كثير التفاتي=قل الزهاب ولابوجهي معازيب
وياالله ياكاتب فروض الصلاتي=ياقابل التوبه من العبد ومثيب
تجعل لنا من باب جودك نجاتي=ياالله ياللي تعلم السر والغيب
وتقبلوا الشكر من البدراني